19.47C Vancouver 19.47C VancouverMar 1, 2021 4:33 PM -
ਮੈਟਰੋ ਵੈਨਕੂਵਰ ਦੇ ਦੋ ਹਸਪਤਾਲਾਂ ਵਿਚ ਸਿਹਤ ਅਧਿਕਾਰੀਆਂ ਵੱਲੋਂ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਹੈ।
ਫਰੇਜ਼ਰ ਹੈਲਥ ਅਨੁਸਾਰ ਸਰ੍ਹੀ ਮੈਮੋਰੀਅਲ ਹਸਪਤਾਲ ਦੇ ਇੱਕ ਯੂਨਿਟ ਅਤੇ ਚਿਲਿਵੈਕ ਜਨਰਲ ਹਸਪਤਾਲ ਦੇ ਇੱਕ ਯੂਨਿਟ ਵਿੱਚ ਕੋਵਿਡ-19 ਦੇ ਮਾਮਲੇ ਸਾਹਮਣੇ ਆਏ ਹਨ।
ਸਰ੍ਹੀ ਮੈਮੋਰੀਅਲ ਦੇ ਇੱਕ ਮਰੀਜ਼ ਅਤੇ ਚਿਲਿਵੈਕ ਜਨਰਲ ਦੇ 5 ਮਰੀਜ਼ਾਂ ਦੇ ਕੋਵਿਡ-19 ਦੇ ਟੈਸਟ ਪੌਜ਼ਿਟਿਵ ਆਏ ਹਨ।
ਇਹ ਯੂਨਿਟ ਫਿਲਹਾਲ ਨਵੇਂ ਦਾਖਲੇ ਲਈ ਬੰਦ ਹਨ ਪਰ ਦੋਵੇਂ ਹਸਪਤਾਲਾਂ ਦੇ ਬਾਕੀ ਦੇ ਯੂਨਿਟ ਅਤੇ ਐਮਰਜੰਸੀ ਵਿਭਾਗ ਖੁੱਲੇ ਰਹਿਣਗੇ।
ਵੈਨਕੂਵਰ ਕੋਸਟਲ ਹੈਲਥ ਵਲੋਂ ਪ੍ਰਦਾਨ ਕੀਤੀ ਗਈ ਜਾਣਕਾਰੀ ਅਨੁਸਾਰ ਵੈਨਕੂਵਰ ਜਨਰਲ ਹਸਪਤਾਲ ਦੀਆਂ 3 ਵੱਖ-ਵੱਖ ਮੰਜ਼ਿਲਾਂ ਦੇ 3 ਵੱਖਰੇ ‘ਇਨ ਪੇਸ਼ੰਟ’ ਯੂਨਿਟਸ ਵਿੱਚ ਕੋਵਿਡ-19 ਆਊਟਬ੍ਰੇਕ ਹਾਲੇ ਵੀ ਜਾਰੀ ਹੈ।
ਇਨ੍ਹਾਂ ਹਿੱਸਿਆਂ ਵਿੱਚ ਫਿਲਹਾਲ ਨਵੇਂ ਦਾਖਲੇ, ਤਬਾਦਲੇ ਅਤੇ ਪਰਿਵਾਰਕ ਮੈਂਬਰਾਂ ਦੇ ਆਉਣ ਜਾਣ ’ਤੇ ਪਾਬੰਦੀ ਹੈ।
ਇਹ ਕੋਵਿਡ-19 ਆਊਟਬ੍ਰੇਕ ਪਹਿਲੀ ਵਾਰ 21 ਫਰਵਰੀ ਨੂੰ ਘੋਸ਼ਤ ਕੀਤੀ ਗਈ ਸੀ।
