13.2C Vancouver 13.2C VancouverSep 28, 2023 7:04 PM - The Canadian Press
ਅਲਬਰਟਾ ਯੂਨੀਵਰਸਿਟੀ ਯੈਰੋਸਲੈਵ ਹੁਨਕਾ ਦੇ ਪਰਿਵਾਰ ਤੋਂ ਲਈ ਐਂਡੋਮੈਂਟ ਫੰਡ ਵਾਪਸ ਕਰ ਰਹੀ ਹੈ, ਜਿਸਨੂੰ ਪਿਛਲੇ ਹਫ਼ਤੇ ਯੂਕਰੇਨ ਦੇ ਰਾਸ਼ਟਰਪਤੀ ਦੇ ਸਨਮਾਨ ਵਿੱਚ ਰੱਖੇ ਗਏ ਸੰਸਦੀ ਸਮਾਗਮ ਵਿੱਚ ਬੁਲਾਇਆ ਗਿਆ ਸੀ।
ਯੂਨੀਵਰਸਿਟੀ ਆਫ਼ ਅਲਬਰਟਾ ਦਾ ਕਹਿਣਾ ਹੈ ਕਿ ਉਹ ਯੈਰੋਸਲੈਵ ਹੁਨਕਾ ਦੇ ਪਰਿਵਾਰ ਵੱਲੋਂ ਕੈਨੇਡੀਅਨ ਇੰਸਟੀਚਿਊਟ ਆਫ਼ ਯੂਕਰੇਨੀਅਨ ਸਟੱਡੀਜ਼ ਲਈ ਦਾਨ ਕੀਤੇ $30,000 ਵਾਪਿਸ ਕਰ ਰਹੀ ਹੈ।
ਜ਼ਿਕਰਯੋਗ ਹੈ ਕਿ 98 ਸਾਲਾਂ ਯੈਰੋਸਲੈਵ ਹੁਨਕਾ ਹਿਟਲਰ ਦੀ ਨਾਜ਼ੀ ਯੂਨਿਟ ਦੇ ਮੈਂਬਰ ਸਨ।
ਪਿਛਲੇ ਦਿਨੀਂ ਹਾਊਸ ਆਫ ਕਾਮਨਜ਼ ਵਿੱਚ ਸਪੀਕਰ ਨੇ ਉਨ੍ਹਾਂ ਨੂੰ ਸੱਦਾ ਦਿੱਤਾ ਸੀ ਜਿਸ ਤੋਂ ਬਾਅਦ ਇਹ ਵਿਵਾਦ ਦੇ ਰੂਪ ਵਿਚ ਬਦਲ ਗਿਆ ਤੇ ਲਗਾਤਾਰ ਐਂਥਨੀ ਰੋਟਾ ਦੇ ਅਸਤੀਫ਼ੇ ਦੀ ਮੰਗ ਜਾਰੀ ਰਹੀ, ਜਿਸ ਤੋਂ ਬਾਅਦ ਹਾਊਸ ਸਪੀਕਰ ਐਂਥਨੀ ਰੋਟਾ ਨੇ ਗ਼ਲਤੀ ਮੰਨਦੇ ਹੋਏ ਅਸਤੀਫ਼ਾ ਦੇ ਦਿੱਤਾ ਸੀ।
ਜਿਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਸੰਸਦ ਦੀ ਤਰਫੋਂ ਮੁਆਫੀ ਮੰਗੀ ਹੈ।
ਟਰੂਡੋ ਨੇ ਕਿਹਾ ਸ਼ੁੱਕਰਵਾਰ ਨੂੰ ਇਸ ਸਦਨ ਵਿੱਚ ਸਾਡੇ ਸਾਰੇ ਮੈਂਬਰਾਂ ਦੇ ਖੜ੍ਹੇ ਹੋਣ ਅਤੇ ਤਾੜੀਆਂ ਵਜਾਉਣ ਲਈ ਉਨ੍ਹਾਂ ਬਹੁਤ ਅਫ਼ਸੋਸ ਹੈ, ਭਾਵੇਂ ਕਿ ਅਸੀਂ ਸੰਦਰਭ ਤੋਂ ਅਣਜਾਣ ਸੀ।
