16.67C Vancouver 16.67C VancouverMay 18, 2022 7:26 PM - The Canadian Press
ਕੈਮਲੂਪਸ ਦੇ ਵਿੱਚ ਕਰੀਬ ਇੱਕ ਸਾਲ ਪਹਿਲਾਂ ਇੱਕ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ 'ਚ 200 ਤੋਂ ਵਧੇਰੇ ਅਨਮਾਰਕਡ ਗਰੇਵਸ ਮਿਲੇ ਸਨ।
ਇਸ ਤੋਂ ਬਾਅਦ ਦੇਸ਼ ਭਰ 'ਚ ਵੱਖੋ-ਵੱਖਰੇ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲਾਂ ਕੋਲ ਅਨਮਾਰਕਡ ਗਰੇਵਸ ਦੀ ਭਾਲ ਸੰਬੰਧੀ ਚਰਚਾਵਾਂ ਅਤੇ ਅਭਿਆਨ ਸ਼ੁਰੂ ਹੋ ਗਏ ਸਨ।
ਦੇਸ਼ ਨੂੰ ਆਪਣੇ ਇਸ ਨਿਰਾਸ਼ਾਜਨਕ ਇਤਿਹਾਸ ਦਾ ਸਾਹਮਣਾ ਕਰਨ ਲਈ ਵੀ ਮਜਬੂਰ ਹੋਣਾ ਪਿਆ ਸੀ।
ਅਗਲੇ ਸੋਮਵਾਰ ਟੈਕਮਲੂਪਸ ਸੁਵੈਟਮਕ ਫਰਸਟ ਨੇਸ਼ਨ ਵੱਲੋਂ ਪੂਰੇ ਦਿਨ ਦਾ ਇੱਕ ਸਮਾਗਮ ਰੱਖਿਆ ਜਾਵੇਗਾ ਜਿਸ ਦੌਰਾਨ 215 ਬੱਚਿਆਂ ਨੂੰ ਯਾਦ ਕੀਤਾ ਜਾਵੇਗਾ ਜਿੰਨਾ ਦੇ ਅਵਸ਼ੇਸ਼ ਗਰਾਊਂਡ ਪੈਨੀਟਰੇਟਿੰਗ ਰਡਾਰ ਆਸਰੇ ਸਾਹਮਣੇ ਆਏ ਸਨ।
ਇਹ ਖੋਜ ਬੀਤੇ ਸਾਲ ਮਈ ਮਹੀਨੇ 'ਚ ਹੋਈ ਸੀ।
ਚੀਫ਼ ਰੋਜ਼ੈਨ ਕੈਸੀਮੀਰ ਦਾ ਕਹਿਣਾ ਹੈ ਕਿ ਇਹ ਸਮਾਗਮ ਇੱਕਜੁਟ ਹੋ ਕੇ ਇਸ ਦੁੱਖ ਤੋਂ ਉਭਰਨ ਦਾ ਮੌਕਾ ਪ੍ਰਦਾਨ ਕਰੇਗਾ।
ਉਨ੍ਹਾਂ ਕਿਹਾ ਕਿ ਇਸ ਦਿਨ ਵੱਡਾ ਇਕੱਠ ਹੋਣ ਦਾ ਅਨੁਮਾਨ ਹੈ।
ਇਹ ਮੈਮੋਰੀਅਲ 23 ਮਈ ਨੂੰ ਰੱਖਿਆ ਜਾਵੇਗਾ।
