12.99C Vancouver 12.99C VancouverDec 7, 2021 8:21 PM - The Canadian Press
ਬੀ.ਸੀ. ਦੇ ਸੈਂਟਰਲ ਅਤੇ ਨੌਰਦਰਨ ਇਲਾਕਿਆਂ ਲਈ ਬਰਫਬਾਰੀ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਐਨਵਾਇਰਨਮੈਂਟ ਕੈਨੇਡਾ ਦਾ ਅਨੁਮਾਨ ਹੈ ਕਿ ਪ੍ਰਿੰਸ ਜੌਰਜ, ਵਿਲੀਸਟੋਨ, ਮੈਕਗਰੈਗਰ ਅਤੇ ਪੀਸ ਰਿਵਰ ਇਲਾਕਿਆਂ ਸਮੇਤ ਉੱਤਰਪੂਰਬ 'ਚ 15 ਤੋਂ 20cm ਬਰਫਬਾਰੀ ਹੋ ਸਕਦੀ ਹੈ।
ਅੱਜ ਦਿਨ ਦੇ ਦਰਮਿਆਨ ਬਰਫਬਾਰੀ ਸ਼ੁਰੂ ਹੋ ਕੇ ਰਾਤ ਤਕ ਜਾਰੀ ਰਹਿ ਸਕਦੀ ਹੈ।
ਇਸ ਤੋਂ ਇਲਾਵਾ ਸਟੀਵਰਟ ਅਤੇ ਟੈਰੇਸ ਦੇ ਇਲਾਕੇ ਸਮੇਤ ਨੌਰਥ ਕੋਸਟ ਵਿੱਚ ਕੱਲ ਸਵੇਰ ਤਕ 25cm ਬਰਫਬਾਰੀ ਹੋ ਸਕਦੀ ਹੈ।
ਕਿਟੀਮੈਟ ਦੇ ਇਲਾਕੇ 'ਚ ਵਿੰਟਰ ਸਟੌਰਮ ਯਾਨੀ ਕਿ ਸਰਦ ਤੂਫਾਨ ਸੰਬੰਧੀ ਧਿਆਨ ਰੱਖਣ ਦੀ ਸਲਾਹ ਜਾਰੀ ਕੀਤੀ ਗਈ ਹੈ।
ਬੀ.ਸੀ. ਤੇ ਐਲਬਰਟਾ ਦੀ ਬਾਊਂਡਰੀ ਕੋਲ ਨੌਰਥ ਕੋਲੰਬੀਆ ਦੇ ਇਲਾਕੇ 'ਚ 15cm ਤਕ ਬਰਫਬਾਰੀ ਦਾ ਅਨੁਮਾਨ ਹੈ।
ਖਾਸ ਤੌਰ 'ਤੇ ਯਾਤਰਾ ਕਰਨ ਵਾਲੇ ਲੋਕਾਂ ਨੂੰ ਹਾਲਾਤਾਂ ਨੂੰ ਧਿਆਨ 'ਚ ਰੱਖਣ ਦੀ ਅਪੀਲ ਕੀਤੀ ਗਈ ਹੈ।
