29.7C Vancouver 29.7C VancouverApr 18, 2024 4:53 PM - The Associated Press
ਅਮਰੀਕਾ ਅਤੇ ਯੂ. ਕੇ. ਨੇ ਇਜ਼ਰਾਇਲ ’ਤੇ ਹੋਏ ਹਮਲੇ ਦੇ ਸਬੰਧ ਵਿਚ ਈਰਾਨ ਨੂੰ ਨਵੀਆਂ ਪਾਬੰਦੀਆਂ ਨਾਲ ਟਾਰਗੇਟ ਕੀਤਾ ਹੈ। ਅਮਰੀਕਾ ਨੇ ਉਨ੍ਹਾਂ 16 ਲੋਕਾਂ ਅਤੇ ਦੋ ਕੰਪਨੀਆਂ ਨੂੰ ਪਾਬੰਦੀ ਲਿਸਟ ਵਿਚ ਸ਼ਾਮਲ ਕੀਤਾ ਹੈ ਜੋ ਈਰਾਨ ਲਈ ਡਰੋਨ ਉਤਪਾਦ ਲਈ ਕੰਮ ਕਰਦੇ ਹਨ।
ਇਹ ਡਰੋਨ ਇਜ਼ਰਾਇਲ ’ਤੇ 13 ਅਪ੍ਰੈਲ ਦੇ ਹਮਲੇ ਵਿਚ ਵਰਤੇ ਗਏ ਸਨ। ਈਰਾਨ ਨੇ 300 ਤੋਂ ਵੱਧ ਡਰੋਨ ਅਤੇ ਮਿਜ਼ਾਇਲਾਂ ਇਜ਼ਰਾਇਲ ਵੱਲ ਲੌਂਚ ਕੀਤੀਆਂ ਸਨ ਪਰ ਇਜ਼ਰਾਇਲ, ਅਮਰੀਕਾ ਅਤੇ ਯੂ. ਕੇ. ਨੇ ਮਿਲ ਕੇ ਜ਼ਿਆਦਾਤਰ ਨੂੰ ਰਸਤੇ ਵਿਚ ਹੀ ਨਾਕਾਮ ਕਰ ਦਿੱਤਾ ਸੀ।
ਯੂ. ਕੇ. ਨੇ ਵੀ ਕਈ ਈਰਾਨੀ ਮਿਲਟਰੀ ਸੰਸਥਾਵਾਂ ਅਤੇ ਡਰੋਨ ਤੇ ਮਿਜ਼ਾਇਲ ਬਣਾਉਣ ਵਿਚ ਸ਼ਾਮਲ ਕੰਪਨੀਆਂ ਨੂੰ ਪਾਬੰਦੀਸ਼ੁਦਾ ਲਿਸਟ ਵਿਚ ਪਾਇਆ ਹੈ। ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਕਿਹਾ ਕਿ ਉਨ੍ਹਾਂ ਨੇ ਪ੍ਰਸ਼ਾਸਨ ਨੂੰ ਈਰਾਨ ਦੀ ਮਿਲਟਰੀ ਇੰਡਸਟਰੀ ਨੂੰ ਕਮਜ਼ੋਰ ਕਰਨ ਵਾਲੀਆਂ ਪਾਬੰਦੀਆਂ ਲਗਾਉਣਾ ਜਾਰੀ ਰੱਖਣ ਲਈ ਨਿਰਦੇਸ਼ ਦਿੱਤੇ ਹਨ।
ਯੂਰਪੀਅਨ ਯੂਨੀਅਨ ਦੇ ਆਗੂ ਵੀ ਈਰਾਨ ’ਤੇ ਪਾਬੰਦੀਆਂ ਵਧਾਉਣ ਦਾ ਵਿਚਾਰ ਕਰ ਰਹੇ ਹਨ। ਕੈਨੇਡਾ ਵੀ ਇਸ ਸਬੰਧ ਵਿਚ ਪਾਬੰਦੀਆਂ ਦਾ ਐਲਾਨ ਕਰ ਸਕਦਾ ਹੈ।
