12.46C Vancouver 12.46C VancouverJan 28, 2021 6:29 PM -
ਵਿਕਟੋਰੀਆ ਦੇ ਕੋਲ ਕੀਤੀ ਜਾ ਰਹੀ ਇੱਕ ਛੋਟੇ ਹਵਾਈ ਜਹਾਜ਼ ਦੀ ਭਾਲ ਨੂੰ ਰੋਕ ਦਿੱਤਾ ਗਿਆ ਹੈ।
ਇਹ ਹਵਾਈ ਜਹਾਜ਼ ਵਿਕਟੋਰੀਆ ਅਤੇ ਵਾਸ਼ਿੰਗਟਨ ਦੇ ਪੋਰਟ ਐਂਜਲਸ ਦੇ ਵਿਚਾਲੇ ਦੇ ਇਲਾਕੇ 'ਚ ਲਾਪਤਾ ਹੋ ਗਿਆ ਸੀ।
ਯੂਨਾਈਟਿਡ ਸਟੇਟਸ ਕੋਸਟ ਗਾਰਡ ਦਾ ਕਹਿਣਾ ਹੈ ਕਿ ਅਮਰੀਕੀ ਅਤੇ ਕਨੇਡੀਅਨ ਬਚਾਅ ਕਰਮੀਆਂ ਨੇ 3,000 ਸਕਵੇਅਰ ਕਿਲੋਮੀਟਰ ਤੋਂ ਵਧੇਰੇ ਇਲਾਕੇ 'ਚ ਭਾਲ ਕੀਤੀ।
ਇਸ ਭਾਲ ਦੌਰਾਨ ਲਾਪਤਾ ਹੋਏ ਹਵਾਈ ਜਹਾਜ਼ ਜਾਂ ਉਸ ਦੇ ਪਾਈਲਟ ਦਾ ਕੋਈ ਸੁਰਾਗ ਹੱਥ ਨਹੀਂ ਲੱਗਾ।
ਪਾਈਲਟ ਨੇ ਸੰਪਰਕ ਟੁੱਟਣ ਤੋਂ ਪਹਿਲਾਂ ਮੇ-ਡੇਅ ਕਾਲ ਕੀਤੀ ਸੀ।
ਮੰਗਲਵਾਰ ਰਾਤ ਅਤੇ ਬੁੱਧਵਾਰ ਨੂੰ ਪੂਰਾ ਦਿਨ ਭਾਲ ਦੇ ਯਤਨ ਜਾਰੀ ਰੱਖੇ ਗਏ ਸਨ।
ਕਨੇਡੀਅਨ ਕੋਸਟ ਗਾਰਡ ਕਿਸ਼ਤੀ ਅਤੇ ਕੋਮੌਕਸ ਦੇ ਇੱਕ ਪਲੇਨ ਜ਼ਰੀਏ ਭਾਲ 'ਚ ਯੋਗਦਾਨ ਪਾਇਆ ਸੀ।
