18.07C Vancouver 18.07C VancouverAug 20, 2020 3:28 PM -
ਕੈਨੇਡਾ ਅਤੇ ਅਮਰੀਕਾ ਦੇ ਬਾਰਡਰ ਤੇ ਤਾਰਾਂ ਦੀ ਇੱਕ ਫੈਂਸ ਲਾਈ ਗਈ ਹੈ।
ਵਾਸ਼ਿੰਗਟਨ ਸਟੇਟ ਦੇ ਲਿੰਡਨ ਸ਼ਹਿਰ ਅਤੇ ਐਲਡਰਗਰੋਵ ਦੇ ਬਾਰਡਰ ਤੇ ਅਮਰੀਕਾ ਵੱਲੋਂ ਇੱਕ ਕੇਬਲ ਬੈਰੀਅਰ ਲਾ ਦਿੱਤਾ ਗਿਆ ਹੈ।
ਇਹ ਇੱਕ ਅਜਿਹੀ ਥਾਂ ਸੀ ਜਿੱਥੇ ਕੋਵਿਡ -19 ਮਹਾਂਮਾਰੀ ਦੌਰਾਨ ਬਾਰਡਰ ਦੇ ਦੋਵੇਂ ਪਾਸੇ ਰਹਿੰਦੇ ਲੋਕ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਮਿਲ ਸਕਦੇ ਸਨ।
ਅਮਰੀਕੀ ਅਧਿਕਾਰੀਆਂ ਮੁਤਾਬਕ ਇਹ ਕਦਮ ਅਪਰਾਧਕ ਗਤੀਵਿਧੀਆਂ ਨੂੰ ਠੱਲ ਪਾਉਣ ਲਈ ਚੁੱਕਿਆ ਗਿਆ ਹੈ।
ਐਕਟਿੰਗ ਚੀਫ ਪਟਰੋਲ ਏਜੇਂਟ ਟੋਨੀ ਹੌਲਾਡੇ ਮੁਤਾਬਕ ਬੈਰੀਅਰ ਨਾਲ ਬੀ.ਸੀ. ਵਿੱਚ ਗੈਰਕਾਨੂੰਨੀ ਢੰਗ ਨਾਲ ਆਉਂਦੇ ਵਾਹਨਾਂ ਨੂੰ ਰੋਕਿਆ ਜਾ ਸਕੇਗਾ ਅਤੇ ਦੋਵਾਂ ਦੇਸ਼ਾਂ ਦੇ ਵਸਨੀਕਾਂ ਦੀ ਸੁਰੱਖਿਆ ਯਕੀਨੀ ਬਣਾਈ ਜਾ ਸਕੇਗੀ।
ਕੈਨੇਡਾ ਅਤੇ ਅਮਰੀਕਾ ਦਾ ਬਾਰਡਰ ਗੈਰ ਜ਼ਰੂਰੀ ਯਾਤਰਾ ਲਈ ਮਾਰਚ ਤੋਂ ਬੰਦ ਹੈ ਅਤੇ ਇਸ ਨੂੰ 21 ਸਿਤੰਬਰ ਤੱਕ ਬੰਦ ਰੱਖਣ ਦਾ ਐਲਾਨ ਹਾਲ ਹੀ ਵਿੱਚ ਕੀਤਾ ਗਿਆ ਸੀ।
