17.82C Vancouver 17.82C VancouverJun 5, 2020 7:35 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਇਕਾਨਮੀ ਦੇ ਅੰਕੜੇ ਬਿਹਤਰ ਹੋ ਰਹੇ ਹਨ। ਟ੍ਰੰਪ ਨੇ ਕਿਹਾ ਵਿੱਤੀ ਹਾਲਾਤ 'ਚ ਬਿਹਤਰੀ ਕਿਸੇ ਵੀ ਨਸਲੀ ਰਿਸ਼ਤਿਆਂ ਲਈ ਸਭ ਤੋਂ ਜ਼ਰੂਰੀ ਹੈ ਅਤੇ ਇਹ ਅਫ਼੍ਰੀਕੀ-ਅਮਰੀਕੀ ਭਾਈਚਾਰੇ ਲਈ ਵੀ ਚੰਗਾ ਹੈ।
ਤਾਜ਼ਾ ਨੌਕਰੀਆਂ ਦੇ ਅੰਕੜੇ ਸਾਂਝੇ ਕਰਦੇ ਹੋਏ ਟ੍ਰੰਪ ਨੇ ਜਾਰਜ ਫਲਾਇਡ ਦਾ ਵੀ ਨਾਮ ਲਿਆ। ਟ੍ਰੰਪ ਨੇ ਪੱਤਰਕਾਰਾਂ ਨੂੰ ਕਿਹਾ, "ਆਸ ਹੈ ਕਿ ਜਾਰਜ ਇਸ ਵੇਲੇ ਹੇਠਾਂ ਵੇਖ ਰਿਹਾ ਹੋਵੇਗਾ, ਅਤੇ ਕਹਿ ਰਿਹਾ ਹੋਵੇਗਾ ਕਿ ਦੇਸ਼ ਲਈ ਇਹ ਇੱਕ ਬੇਹੱਦ ਮਹਾਨ ਕੰਮ ਹੋ ਰਿਹਾ ਹੈ।"
ਟ੍ਰੰਪ ਨੇ ਕਿਹਾ, "ਇਹ ਜਾਰਜ ਲਈ ਵੀ ਖਾਸ ਦਿਨ ਹੈ ਅਤੇ ਇਹ ਦਿਨ ਸਾਰਿਆਂ ਲਈ ਖਾਸ ਹੈ।"
ਯਾਦ ਰਹੇ ਅੱਜ ਟ੍ਰੰਪ ਨੇ ਆਪਣੀਆਂ ਟਿੱਪਣੀਆਂ ਦੌਰਾਨ ਮਿਨੇਸੋਟਾ 'ਚ ਨੈਸ਼ਨਲ ਗਾਰਡ ਨੂੰ ਲਗਾਉਣ ਦੀ ਵੀ ਪ੍ਰਸ਼ੰਸਾ ਕੀਤੀ ਹੈ, ਅਤੇ ਕਿਹਾ ਕਿ ਇੱਕੋ ਰਾਤ 'ਚ ਮਿਨੇਸੋਟਾ 'ਚ ਜਾਰੀ ਪ੍ਰਦਰਸ਼ਨ ਖਤਮ ਹੋ ਗਏ।
ਉਨ੍ਹਾਂ ਕਿਹਾ ਕਿ ਬਾਕੀ ਸੂਬਿਆਂ ਨੂੰ ਵੀ ਉਨ੍ਹਾਂ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
