15.63C Vancouver 15.63C VancouverFeb 19, 2021 8:29 PM -
ਵਾਸ਼ਿੰਗਟਨ ਦੇ ਪਾਇੰਟ ਰੌਬਰਟਸ ਇਲਾਕੇ 'ਚ ਰਹਿਣ ਵਾਲੇ ਅਮਰੀਕਾ ਵਾਸੀਆਂ ਨੂੰ ਕੈਨੇਡਾ ਵਿੱਚੋਂ ਲੰਘਦੇ ਹੋਏ ਕੋਵਿਡ-19 ਦੇ ਟੈਸਟ ਨਤੀਜੇ ਹਾਸਿਲ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਹਾਲਾਂਕਿ ਇਹ ਢਿੱਲ ਸਿਰਫ ਜ਼ਰੂਰੀ ਯਾਤਰਾ ਨਾਲ ਸੰਬੰਧਤ ਲੋਕਾਂ ਲਈ ਵਰਤੀ ਜਾਵੇਗੀ।
ਸੀਸਾਈਡ ਐਨਕਲੇਵ ਅਤੇ ਬਾਕੀ ਦੇ ਵਾਸ਼ਿੰਗਟਨ ਸਟੇਟ ਵਿਚਾਲੇ ਯਾਤਰਾ ਲਈ ਬੀ.ਸੀ. ਦੇ ਵਿੱਚੋਂ 40km ਦੀ ਯਾਤਰਾ ਕਰਨੀ ਪੈਂਦੀ ਹੈ।
ਵਾਸ਼ਿੰਗਟਨ ਸਟੇਟ ਗਵਰਨਰ ਜੇਅ ਇੰਸਲੀ ਨੇ ਕਿਹਾ ਕਿ ਪਾਇੰਟ ਰੌਬਰਟਸ ਦੇ ਨਿਵਾਸੀਆਂ ਨੂੰ ਅਮਰੀਕਾ ਜਾਂ ਕੈਨੇਡਾ ਵਿੱਚੋਂ ਆਉਂਦੇ-ਜਾਂਦੇ ਕੋਵਿਡ-19 ਟੈਸਟ ਕਰਵਾਉਣ ਦੀ ਲੋੜ ਨਹੀਂ ਹੋਵੇਗੀ।
ਯਾਦ ਰਹੇ ਕੈਨੇਡਾ ਅਤੇ ਅਮਰੀਕਾ ਦੇ ਬਾਰਡਰ ਗੈਰ-ਜ਼ਰੂਰੀ ਯਾਤਰਾ ਲਈ ਮਾਰਚ 2020 ਤੋਂ ਬੰਦ ਰਹੇ ਹਨ।
