28.45C Vancouver 28.45C VancouverMay 30, 2020 12:34 AM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਐਲਾਨ ਕੀਤਾ ਹੈ ਕਿ ਅਮਰੀਕਾ ਵੱਲੋਂ ਵਰਲਡ ਹੈਲਥ ਔਰਗੇਨਾਈਜ਼ੇਸ਼ਨ ਨਾਲ ਰਿਸ਼ਤੇ ਖਤਮ ਕੀਤੇ ਜਾ ਰਹੇ ਹਨ।
ਟ੍ਰੰਪ ਨੇ ਸ਼ੁਕਰਵਾਰ ਦੁਪਹਿਰ ਚੀਨ 'ਤੇ ਕੁਝ ਤਿੱਖੀਆਂ ਟਿੱਪਣੀਆਂ ਕੀਤੀਆਂ।
ਇੱਕ ਨਿਊਜ਼ ਬ੍ਰੀਫਿੰਗ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਨੇ ਚੀਨ 'ਤੇ ਕਈ ਇਲਜ਼ਾਮ ਲਗਾਏ ਅਤੇ ਕਿਹਾ ਕਿ ਅਮਰੀਕਾ ਵੀ ਚੀਨ ਨਾਲ ਚੰਗੇ ਰਿਸ਼ਤੇ ਚਾਹੁੰਦਾ ਹੈ, ਪਰ ਚੀਨ ਨੇ ਅਮਰੀਕਾ ਅਤੇ ਹੋਰ ਦੇਸ਼ਾਂ ਨਾਲ ਕੀਤੇ ਵਾਅਦੇ ਤੋੜੇ ਹਨ।
ਟ੍ਰੰਪ ਨੇ ਕੋਵਿਡ-19 ਨਾਲ ਜੁੜੀ ਜਾਣਕਾਰੀ ਲੁਕਾਉਣ ਲਈ ਵੀ ਚੀਨ ਨੂੰ ਜ਼ਿੰਮੇਵਾਰ ਦੱਸਿਆ।
ਟ੍ਰੰਪ ਨੇ ਕਿਹਾ ਕਿ ਪੈਂਡੇਮਿਕ ਦਰਮਿਆਨ ਡਬਲਿਯੂ.ਐਚ.ਓ. ਇਸੇ ਕਾਰਨ ਸਹੀ ਤਰ੍ਹਾਂ ਕੰਮ ਨਹੀਂ ਕਰ ਸਕਿਆ ਕਿਉਂਕਿ ਉਸ ਦਾ ਕੰਟਰੋਲ ਚੀਨ ਦੇ ਹੱਥ 'ਚ ਹੈ।
ਚੀਨ ਨੂੰ ਕਰੜੇ ਹੱਥੀਂ ਲੈਣ ਤੋਂ ਬਾਅਦ, ਟ੍ਰੰਪ ਨੇ ਐਲਾਨ ਕੀਤਾ ਕਿ ਡਬਲਿਯੂ.ਐਚ.ਓ. ਨਾਲ ਸਾਰੇ ਰਿਸ਼ਤੇ ਖਤਮ ਕੀਤੇ ਜਾ ਰਹੇ ਹਨ।
ਡੌਨਲਡ ਟ੍ਰੰਪ ਨੇ ਕੀਤੀ ਫਲਾਇਡ ਪਰਿਵਾਰ ਨਾਲ ਗੱਲ
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਅੱਜ ਸ਼ਾਮ ਦਿੱਤੇ ਇੱਕ ਬਿਆਨ 'ਚ ਆਖਿਆ ਹੈ ਕਿ ਉਨ੍ਹਾਂ ਦੀ ਜਾਰਜ ਫਲਾਇਡ ਦੇ ਪਰਿਵਾਰ ਨਾਲ ਗੱਲ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਫਲਾਇਡ ਦੇ ਪਰਿਵਾਰਿਕ ਮੈਂਬਰ ਚੰਗੇ ਲੋਕ ਹਨ, ਪਰ ਇਸ ਮਾਮਲੇ 'ਚ ਸ਼ਾਂਤਮਈ ਤਰੀਕੇ ਨਾਲ ਪ੍ਰਦਰਸ਼ਨ ਵੀ ਕੀਤੇ ਜਾ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਅਜਿਹੇ ਮਾਮਲੇ 'ਚ ਐਸੀ ਸਥਿਤੀ ਬਣਨ ਨਹੀਂ ਦਿੱਤੀ ਜਾ ਸਕਦੀ ਜਿੱਥੇ ਹਿੰਸਕ ਘਟਨਾਵਾਂ ਵਾਪਰ ਰਹੀਆਂ ਹੋਣ।
ਹਾਲਾਂਕਿ ਟ੍ਰੰਪ ਨੇ ਕਿਹਾ ਕਿ ਪਰਿਵਾਰ ਦਾ ਗੁੱਸਾ ਅਤੇ ਨਿਰਾਸ਼ਾ ਸਮਝਦੇ ਹਨ।
ਯਾਦ ਰਹੇ ਇਸ ਤੋਂ ਪਹਿਲਾਂ ਟ੍ਰੰਪ ਨੇ ਇੱਕ ਟਵੀਟ 'ਚ ਕਿਹਾ ਸੀ ਕਿ ਲੁੱਟ ਦੀਆਂ ਘਟਨਾਵਾਂ ਦੇ ਚਲਦਿਆਂ ਸ਼ੂਟਿੰਗ ਨਾਲ ਜਵਾਬ ਮਿਲ ਸਕਦੇ ਹਨ।
