17.69C Vancouver 17.69C VancouverMar 16, 2022 7:32 PM - The Canadian Press
ਕੈਨੇਡਾ ਪਹੁੰਚ ਕਰ ਰਹੇ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਲੋਕਾਂ ਲਈ ਕੋਵਿਡ-19 ਦੇ ਟੈਸਟ ਕਰਵਾਉਣ ਦੀ ਸ਼ਰਤ ਨੂੰ ਖਤਮ ਕੀਤਾ ਜਾ ਰਿਹਾ ਹੈ।
ਮੀਡੀਆ ਏਜੈਂਸੀਆਂ ਤੋਂ ਅਜਿਹੀ ਖਬਰ ਫੈਡਰਲ ਸਰਕਾਰ ਦੇ ਸੂਤਰਾਂ ਦਾ ਹਵਾਲਾ ਦੇ ਕੇ ਜਾਰੀ ਕੀਤੀ ਗਈ ਹੈ।
ਇਸ ਸੰਬੰਧੀ ਰਸਮੀ ਐਲਾਨ ਇਸੇ ਹਫ਼ਤੇ ਹੋ ਸਕਦਾ ਹੈ।
ਜਾਣਕਾਰੀ ਦਿੱਤੀ ਗਈ ਹੈ ਕਿ 1 ਅਪ੍ਰੈਲ ਤੋਂ ਕੈਨੇਡਾ ਪਹੁੰਚਦੇ ਵੈਕਸੀਨੇਟਿਡ ਲੋਕਾਂ ਨੂੰ ਕੋਵਿਡ-19 ਦੇ ਨੈਗੇਟਿਵ ਨਤੀਜੇ ਵਾਲੇ ਟੈਸਟ ਹਾਸਿਲ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਇਹ ਸ਼ਰਤ ਹਵਾਈ ਅੱਡਿਆਂ ਤੋਂ ਇਲਾਵਾ ਲੈਂਡ ਬੌਰਡਰਸ ਤੋਂ ਵੀ ਹਟਾਏ ਜਾਣ ਦੀ ਗੱਲ ਆਖੀ ਗਈ ਹੈ।
ਯਾਦ ਰਹੇ ਹਾਲ ਦੀ ਘੜੀ ਕੈਨੇਡਾ ਪਹੁੰਚ ਰਹੇ ਵੈਕਸੀਨੇਟਿਡ ਲੋਕਾਂ ਲਈ ਨੈਗੇਟਿਵ ਪੀ.ਸੀ.ਆਰ. ਟੈਸਟ ਨਤੀਜੇ ਹਾਸਿਲ ਕਰਨ ਦੀ ਸ਼ਰਤ ਤਾਂ ਹਟਾ ਦਿੱਤੀ ਗਈ ਸੀ ਪਰ ਨੈਗੇਟਿਵ ਰੈਪਿਡ ਟੈਸਟ ਕਰਵਾਉਣਾ ਲਾਜਮੀ ਰੱਖਿਆ ਗਿਆ ਸੀ।
ਪਰ ਇਸ ਨਵੇਂ ਨਿਰਦੇਸ਼ ਨਾਲ ਇਸ ਸ਼ਰਤ ਨੂੰ ਵੀ ਜਲਦੀ ਹੀ ਹਟਾਇਆ ਜਾ ਸਕਦਾ ਹੈ।
ਯਾਦ ਰਹੇ ਦੇਸ਼ 'ਚ ਕੋਵਿਡ-19 ਦੇ ਮਾਮਲਿਆਂ 'ਚ ਬੀਤੇ ਕੁਝ ਹਫਤਿਆਂ 'ਚ ਗਿਰਾਵਟ ਵੇਖਣ ਨੂੰ ਮਿਲੀ ਹੈ।
