24.01C Vancouver 24.01C VancouverApr 7, 2021 3:39 PM -
ਕੈਨੇਡਾ ਦੀ ਵੈਕਸੀਨ ਐਡਵਾਈਜ਼ਰੀ ਕਮੇਟੀ ਦਾ ਕਹਿਣਾ ਹੈ ਕਿ ਸੂਬਿਆਂ ਅਤੇ ਟੈਰੀਟੋਰੀਜ਼ ਨੂੰ ਵੱਧ ਤੋਂ ਵੱਧ ਕਨੇਡੀਅਨ ਲੋਕਾਂ ਨੂੰ ਕੋਵਿਡ-19 ਵੈਕਸੀਨ ਦੀ ਦੂਜੀ ਖੁਰਾਕ ਤੋਂ ਪਹਿਲਾਂ ਟੀਕੇ ਦੀ ਪਹਿਲੀ ਖੁਰਾਕ ਦੇਣੀ ਚਾਹੀਦੀ ਹੈ।
‘ਨੈਸ਼ਨਲ ਐਡਵਾਈਜ਼ਰੀ ਕਮੇਟੀ ਆਨ ਇਮਯੁਨਾਈਜ਼ੇਸ਼ਨ’ ਮੁਤਾਬਕ ਉਹ ਕੋਵਿਡ-19 ਵੈਕਸੀਨ ਦੀ ਦੂਜੀ ਖੁਰਾਕ ਨੂੰ ਚਾਰ ਮਹੀਨਿਆਂ ਤੱਕ ਵਧਾਉਣ ਦੀ ਆਪਣੀ ਸਿਫਾਰਸ਼ ’ਤੇ ਬਰਕਰਾਰ ਹੈ।
‘ਨੈਸੀ’ ਦੇ ਮਾਹਰਾਂ ਦਾ ਮੰਨਣਾ ਹੈ ਕਿ ਦੂਜੀ ਖੁਰਾਕ ਵਿੱਚ ਦੇਰੀ ਦੇ ਬਾਵਜੂਦ ਪਹਿਲੀ ਖੁਰਾਕ ਕਨੇਡੀਅਨ ਲੋਕਾਂ ਨੂੰ ਸੁਰਖਿਅਤ ਰੱਖ ਸਕੇਗੀ।
ਪੈਨਲ ਮੁਤਾਬਕ ਕੈਨੇਡਾ ਦੀ ਵੈਕਸੀਨ ਸੱਪਲਾਈ ਨੂੰ ਦੇਖਦਿਆਂ ਉਨ੍ਹਾਂ ਨੂੰ ਯਕੀਨ ਹੈ ਕਿ ਦੂਜੀਆਂ ਖੁਰਾਕਾਂ ਉਪਲੱਭਦ ਕਰਵਾਉਣ ਵਿੱਚ ਚਾਰ ਮਹੀਨੇ ਤੱਕ ਦੀ ਦੇਰੀ ਨਹੀਂ ਹੋਵੇਗੀ।
ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਨੂੰ ਸੁਤੰਤਰ ਟੀਕਾਕਰਣ ਦੀ ਸਲਾਹ ਦਿੰਦੀ ਇੱਕ ਬਾਹਰੀ ਸਲਾਹਕਾਰ ਸੰਸਥਾ, ‘ਨੈਸੀ’ ਨੇ ਕਿਹਾ ਕਿ ਉਹ ਖੁਰਾਕਾਂ ਦੇ ਵਿਚਕਾਰ ਦੇ ਫਰਕ ਦੀ ਨਜ਼ਰਸਾਨੀ ਜਾਰੀ ਰੱਖਣਗੇ ਅਤੇ ਭਵਿੱਖ ਵਿੱਚ ਲੋੜ ਅਨੁਸਾਰ ਸਿਫਾਰਸ਼ਾਂ ਪੇਸ਼ ਕਰਣਗੇ।
