ਵੈਨਕੂਵਰ ਕੈਨਕਸ ਦੇ ਹੈੱਡ ਕੋਚ ਬਣੇ ਐਡਮ ਫੁੱਟ

ਵੈਨਕੂਵਰ ਕੈਨਕਸ ਦੇ ਸਹਾਇਕ ਕੋਚ- ਐਡਮ ਫੁੱਟ ਨੂੰ ਹੁਣ ਟੀਮ ਦੇ ਹੈੱਡ ਕੋਚ ਦੀ ਜਿੰਮੇਵਾਰੀ ਸੌਂਪ ਦਿੱਤੀ ਗਈ ਹੈ। ਫ੍ਰੈਂਚਾਇਜ਼ੀ ਦੇ ਇਤਿਹਾਸ ਵਿਚ ਫੁੱਟ- 22ਵੇਂ ਹੈੱਡ ਕੋਚ ਹਨ ਅਤੇ ਉਨ੍ਹਾਂ ਰਿਕ ਟੋਚੇਟ ਦੀ ਥਾਂ ਲਈ ਹੈ, ਜੋ 29 ਅਪ੍ਰੈਲ ਨੂੰ ਕੈਨਕਸ ਤੋਂ ਅਲੱਗ ਹੋ ਗਏ ਸਨ। 53 ਸਾਲਾ ਐਡਮ ਫੁੱਟ ਜਨਵਰੀ 2023 ਤੋਂ ਵੈਨਕੂਵਰ ਕੈਨਕਸ ਦੇ ਸਹਾਇਕ ਕੋਚ ਸਨ।

ਉਨ੍ਹਾਂ ਇਸ ਤੋਂ ਪਹਿਲਾਂ ਡੇਢ ਸਾਲ ਵੈਸਟਰਨ ਹਾਕੀ ਲੀਗ 'ਚ ਕੇਲੋਨਾ ਰਾਕੇਟ ਦੇ ਮੁੱਖ ਕੋਚ ਦੇ ਰੂਪ ਵਿਚ ਵੀ ਕੰਮ ਕੀਤਾ ਸੀ। ਉਨ੍ਹਾਂ ਦਾ ਤਜਰਬਾ ਕਾਫੀ ਲੰਮਾ ਹੈ, ਫੁੱਟ ਨੇ ਕਿਊਬੈਕ ਨੋਰਡਿਕਜ਼, ਕੋਲੋਰਾਡੋ ਬਰਫ਼ਬਾਰੀ ਅਤੇ ਕੋਲੰਬਸ ਬਲੂ ਜੈਕਟ ਨਾਲ ਡਿਫੈਂਸਮੈਨ ਦੇ ਰੂਪ ਵਿਚ 19 ਸੀਜ਼ਨ ਖੇਡੇ ਸਨ ਅਤੇ ਕੋਲੋਰਾਡੋ ਬਰਫ਼ਬਾਰੀ ਨੂੰ 1996 ਅਤੇ 2001 ਵਿਚਸਟੈਨਲੀ ਕੱਪ ਜਿੱਤਣ ਵਿਚ ਯੋਗਦਾਨ ਪਾਇਆ ਸੀ।

ਗੌਰਤਲਬ ਹੈ ਕਿ ਵੈਨਕੂਵਰ ਕੈਨਕਸ ਦੇ ਮੁੱਖ ਕੋਚ ਲਈ ਐਬਟਸਫੋਰਡ ਕੈਨਕਸ ਦੇ ਮੈਨੀ ਮਲਹੋਤਰਾ ਦਾ ਨਾਂ ਵੀ ਚਰਚਾ ਵਿਚ ਸੀ।