14.32C Vancouver 14.32C VancouverOct 9, 2020 3:34 PM -
ਵੈਨਕੂਵਰ ਸਿਟੀ ਕਾਊਂਸਲ ਨੇ ਸਰਬਸੰਮਤੀ ਨਾਲ ਸ਼ਹਿਰ ਦੇ ਸੈਂਕੜੇ ਬੇਘਰੇ ਲੋਕਾਂ ਦੇ ਸਹਿਯੋਗ ਲਈ $30 ਮਿਲੀਅਨ ਤੱਕ ਦੇ ਇੱਕ ਐਮਰਜੰਸੀ ਫੰਡ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਪੈਸੇ ਦੀ ਵਰਤੋਂ ਖਾਲੀ ਹੋਟਲ ਅਤੇ ਅਪਾਰਟਮੈਂਟ ਇਮਾਰਤਾਂ ਨੂੰ ਖ਼ਰੀਦਣ ਜਾਂ ਲੀਜ਼ ਕਰਨ ਲਈ ਕੀਤੀ ਜਾਵੇਗੀ ਤਾਂ ਕਿ ਇਨ੍ਹਾਂ ਵਿੱਚ ਉਨ੍ਹਾਂ 750 ਲੋੜਵੰਦ ਵਿਅਕਤੀਆਂ ਨੂੰ ਪਨਾਹ ਦਿੱਤੀ ਜਾ ਸਕੇ ਜਿਨ੍ਹਾਂ ਦੇ ਸਿਰ ‘ਤੇ ਛੱਤ ਨਹੀਂ ਹੈ।
ਇਨ੍ਹਾਂ ਵਿੱਚੋਂ ਕਈ ਥਾਵਾਂ ਨੂੰ ਰੈਨੋਵੇਸ਼ਨ ਦੀ ਲੋੜ ਪਵੇਗੀ ਜਿਸ ਕਾਰਨ ਕਾਉਂਸਿਲ ਨੇ ਉਸ ਯੋਜਨਾ ਨੂੰ ਮਨਜ਼ੂਰੀ ਵੀ ਦਿੱਤੀ, ਜਿਸ ਅਧੀਨ ਸਿਟੀ ਦੇ ਮੋਟਲਾਂ ਅਤੇ ਹੋਸਟਲਾਂ ਦੀ ਵਰਤੋਂ ਲੋੜਵੰਦ ਲੋਕਾਂ ਨੂੰ ਤੁਰੰਤ ਪਨਾਹ ਦੇਣ ਲਈ ਕੀਤੀ ਜਾਵੇਗੀ।
ਸਟਰੈਥਕੋਨਾ ਪਾਰਕ ਦੇ ਹੋਮਲੈੱਸ ਕੈਂਪ ਤੋਂ ਬੇਘਰੇ ਲੋਕਾਂ ਨੂੰ ਮੁਹਈਆ ਕਰਵਾਈਆਂ ਜਾ ਰਹੀਆਂ ਇਨ੍ਹਾਂ ਥਾਵਾਂ ‘ਤੇ ਲੈਕੇ ਆਉਣ ਦਾ ਕੰਮ ਵੀ ਤੁਰੰਤ ਸ਼ੁਰੂ ਕੀਤਾ ਜਾਵੇਗਾ।
ਲੋੜਵੰਦ ਲੋਕਾਂ ਨੂੰ ਐਮਰਜੈਂਸੀ ਰਾਹਤ ਪ੍ਰਦਾਨ ਕਰਨ ਲਈ ਮੇਅਰ ਕੈਨੇਡੀ ਸਟੂਅਰਟ ਵੱਲੋਂ ਪ੍ਰਸਤਾਵਤ ਇਸ ਮਤੇ ਨੂੰ ਵੀਰਵਾਰ ਨੂੰ 12 ਘੰਟੇ ਚੱਲੀ ਬੈਠਕ ਤੋਂ ਬਾਅਦ ਮਨਜ਼ੂਰੀ ਦਿੱਤੀ ਗਈ।
ਸਟੂਅਰਟ ਨੇ ਕਾਉਂਸਿਲ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਕੋਵਿਡ -19 ਦੇ ਚਲਦਿਆਂ ਇਹ ਜ਼ਰੂਰਤਮੰਦ ਲੋਕਾਂ ਨੂੰ ਰਾਹਤ ਪ੍ਰਦਾਨ ਕਰਨ ਦਾ ਸਭ ਤੋਂ ਵਧੀਆ ਤਰੀਕਾ ਹੈ।
