15.92C Vancouver 15.92C VancouverOct 7, 2021 7:28 PM -
ਵੈਨਕੂਵਰ 'ਚ ਸਿਟੀ ਕੌਂਸਲਰਸ ਨੇ ਛੋਟੇ ਫਰਕ ਨਾਲ ਇੱਕ ਪ੍ਰਪੋਜ਼ਲ ਨੂੰ ਖਾਰਿਜ ਕਰ ਦਿੱਤਾ ਹੈ।
ਸ਼ਹਿਰ ਭਰ 'ਚ ਪਾਰਕਿੰਗ ਪਰਮਿਟਸ ਜਾਰੀ ਕਰਨ ਅਤੇ ਕੁਝ ਖਾਸ ਵਾਹਨਾਂ 'ਤੇ ਖਾਸ ਫੀਸ ਲਗਾਉਣ ਸੰਬੰਧੀ ਇਹ ਪ੍ਰਪੋਜ਼ਲ ਉਸ ਵੇਲੇ ਰੱਦ ਹੋਇਆ ਜਦ ਮੇਅਰ ਕੈਨੇਡੀ ਸਟੀਵਰਟ ਨੇ ਟਾਈਬ੍ਰੇਕਿੰਗ ਵੋਟ ਪਾਇਆ।
ਉਨ੍ਹਾਂ ਇਸ ਪਲੈਨ ਦੀ ਨਿਰਪੱਖਤਾ 'ਤੇ ਸਵਾਲ ਚੁੱਕੇ।
ਕਾਉਂਸਿਲ ਸਾਹਮਣੇ ਬੀਤੀ ਰਾਤ ਕਰੀਬ 2 ਦਰਜਨ ਸਪੀਕਰਾਂ ਨੇ ਆਪਣੀ ਗੱਲ ਰੱਖੀ ਜਿਸ 'ਚ ਇਸ ਪ੍ਰਪੋਜ਼ਲ ਦੇ ਪੱਖ ਅਤੇ ਉਲਟ 'ਚ ਦੱਸਣ ਵਾਲੇ ਤਰਕ ਸ਼ਾਮਿਲ ਸੀ।
ਇਸ 'ਚ ਵੈਨਕੂਵਰ 'ਚ ਕਿਸੇ ਵੀ ਜਗ੍ਹਾ ਰਾਤ ਭਰ ਲਈ ਗੱਡੀ ਪਾਰਕ ਕਰਨ ਲਈ $45 ਦੀ ਸਾਲਾਨਾ ਫੀਸ ਦਾ ਪ੍ਰਪੋਜ਼ਲ ਸ਼ਾਮਿਲ ਸੀ।
ਇਸ ਪਲੈਨ ਨੂੰ ਕਲਾਈਮੇਟ ਐਮਰਜੈਂਸੀ ਪਾਰਕਿੰਗ ਪ੍ਰੋਗਰਾਮ ਦਾ ਨਾਮ ਦਿੱਤਾ ਗਿਆ ਸੀ।
ਇਸ 'ਚ ਸਾਲ 2023 ਤੋਂ ਵਧੇਰੇ ਫਿਊਲ ਐਫੀਸ਼ਿਐਂਟ ਵਾਹਨਾਂ ਨੂੰ ਛੱਡ ਬਾਕੀ ਵਾਹਨਾਂ ਦੀ ਖਰੀਦ 'ਤੇ $1,000 ਦੀ ਫੀਸ ਵੀ ਸ਼ਾਮਿਲ ਸੀ।
ਸਟੀਵਰਟ ਨੇ ਕਿਹਾ ਕਿ ਉਹ ਵੀ ਕਲਾਈਮੇਟ ਐਕਸ਼ਨ 'ਚ ਵਿਸ਼ਵਾਸ ਰੱਖਦੇ ਹਨ ਪਰ ਇਸ ਪਲੈਨ ਅਨੁਸਾਰ ਬੇਸਮੈਂਟ ਰੈਂਟ ਕਰਨ ਵਾਲਿਆਂ ਅਤੇ ਵਾਹਨ ਸੰਬੰਧੀ ਨੌਕਰੀ ਕਰਨ ਵਾਲਿਆਂ 'ਤੇ ਵਧੇਰੇ ਦਬਾਅ ਬਣ ਸਕਦਾ ਸੀ, ਜਦਕਿ ਪ੍ਰਾਈਵੇਟ ਪਾਰਕਿੰਗ ਵਾਲੇ ਘਰਾਂ ਦੇ ਮਾਲਕਾਂ 'ਤੇ ਕੋਈ ਫੀਸ ਨਹੀਂ ਲਗ ਰਹੀ ਸੀ।
