12.42C Vancouver 12.42C VancouverJan 18, 2023 1:33 AM - Connect News
ਵੈਨਕੂਵਰ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇੱਕ ਸਾਬਕਾ ਉਬਰ ਚਾਲਕ ਨੂੰ ਜਿਨਸੀ ਹਮਲੇ ਦੇ ਮਾਮਲੇ 'ਚ ਦੋਸ਼ੀ ਪਾਇਆ ਗਿਆ ਹੈ ਅਤੇ ਸਜਾ ਸੁਣਾਈ ਗਈ ਹੈ।
ਵੈਨਕੂਵਰ ਪੁਲਿਸ ਮੁਤਾਬਿਕ ਮਾਮਲਾ ਸਾਲ 2021 ਦਾ ਹੈ ਅਤੇ ਉਸ ਮੌਕੇ ਇੱਕ 21 ਸਾਲਾ ਔਰਤ ਨੇ ਪੁਲਿਸ ਕੋਲ ਪਹੁੰਚ ਕੀਤੀ ਸੀ।
ਦੋਸ਼ੀ ਦਾ ਨਾਮ ਮੋਹੰਮਦ ਅਬੁ ਸਈਦ ਦੱਸਿਆ ਗਿਆ ਹੈ।
ਦੋਸ਼ੀ ਦੀ ਉਮਰ 69 ਸਾਲ ਦੱਸੀ ਗਈ ਹੈ।
ਦੋਸ਼ੀ ਨੂੰ 6 ਮਹੀਨੇ ਦੀ ਕੰਡੀਸ਼ਨਲ ਸਜਾ ਸੁਣਾਈ ਗਈ ਹੈ।
ਇਸ 'ਚ 2 ਮਹੀਨੇ ਦੀ ਹਾਊਸ ਅਰੈਸਟ ਵੀ ਸ਼ਾਮਿਲ ਹੈ।
ਇਸ ਤੋਂ ਇਲਾਵਾ ਦੋਸ਼ੀ ਨੂੰ 18 ਮਹੀਨੇ ਦੀ ਪ੍ਰੋਬੇਸ਼ਨ ਵੀ ਸੁਣਾਈ ਗਈ ਹੈ।
ਇਸ ਸਮੇਂ ਦੌਰਾਨ ਦੋਸ਼ੀ ਕੋਈ ਰਾਈਡ-ਸ਼ੇਅਰ ਵਾਹਨ, ਟੈਕਸੀ, ਲਿਮੋਜ਼ੀਨ ਜਾਂ ਪੈਸੇ ਲਈ ਟਰਾਂਸਪੋਰਟੇਸ਼ਨ ਦਾ ਕੋਈ ਹੋਰ ਮਾਧਿਅਮ ਆਪਰੇਟ ਨਹੀਂ ਕਰ ਸਕੇਗਾ।
ਦੋਸ਼ੀ ਨੂੰ ਲਿਕਰ ਸਟੋਰਸ, ਬਾਰਸ, ਪੱਬਸ, ਨਾਈਟਕਲੱਬਸ ਆਦਿ 'ਤੇ ਪਹੁੰਚ ਤੋਂ ਵੀ ਬੈਨ ਲਗਾਇਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅਬੁ ਸਈਦ ਨੂੰ ਅਕਤੂਬਰ 'ਚ ਦੋਸ਼ੀ ਠਿਹਰਾਇਆ ਗਿਆ ਸੀ ਅਤੇ 11 ਜਨਵਰੀ ਨੂੰ ਸਜਾ ਸੁਣਾਈ ਗਈ ਸੀ।
ਵੈਨਕੂਵਰ ਤੋਂ ਕੋਕਟਲਮ ਦੀ ਯਾਤਰਾ ਦੌਰਾਨ ਉਬਰ 'ਚ ਸਵਾਰ ਇੱਕ ਔਰਤ 'ਤੇ ਜਿਨਸੀ ਹਮਲਾ ਕਰਨ ਦੇ ਮਾਮਲੇ 'ਚ ਵਿਅਕਤੀ ਨੂੰ ਸਜਾ ਸੁਣਾਈ ਗਈ।
ਇਹ ਅਪਰਾਧ ਅਗਸਤ 2021 'ਚ ਵਾਪਰਿਆ ਸੀ।
