14.04C Vancouver 14.04C VancouverJan 20, 2025 4:34 PM - The Canadian Press
ਵੈਨਕੂਵਰ ਦੀ ਵਿਰਾਸਤ ਰਜਿਸਟਰੀ ਵਿਚ ਦਰਜ ਸ਼ਹਿਰ ਦੀ 115 ਸਾਲਾਂ ਤੋਂ ਵੀ ਵੱਧ ਪੁਰਾਣੀ ਡਨਸਮੁਇਰ ਹਾਊਸ ਬਿਲਡਿੰਗ ਨੂੰ ਢਾਹ ਦਿੱਤਾ ਗਿਆ ਹੈ। ਇਹ ਇਮਾਰਤ 1908 ਵਿਚ ਇੱਕ ਹੋਟਲ ਦੇ ਤੌਰ ’ਤੇ ਬਣਾਈ ਗਈ ਸੀ, ਜਿਸ ਨੇ ਆਪਣੇ ਬਾਅਦ ਦੇ ਲਾਈਫ ਟਾਈਮ ਵਿਚ ਹੋਟਲ ਦੇ ਨਾਲ-ਨਾਲ ਬੈਰਕ ਅਤੇ ਸੋਸ਼ਲ ਹਾਊਸਿੰਗ ਦੇ ਰੂਪ ਵਿਚ ਵੀ ਕੰਮ ਕੀਤਾ।
ਸਿਟੀ ਕੌਂਸਲ ਨੇ ਪਿਛਲੇ ਮਹੀਨੇ ਇਸ ਬਿਲਡਿੰਗ ਦੀ ਮਾਲਕ ਹੋਲਬੋਰਨ ਪ੍ਰਾਪਰਟੀਜ਼ ਨੂੰ ਇਮਾਰਤ ਨੂੰ ਢਾਹੁਣ ਦਾ ਹੁਕਮ ਦਿੱਤਾ ਸੀ। ਸਿਟੀ ਸਟਾਫ ਨੇ ਰਿਪੋਰਟ ਦਿੱਤੀ ਸੀ ਕਿ ਜੇ ਬਿਲਡਿੰਗ ਦੀ ਹਾਲਤ ਨੂੰ ਅਣਗੌਲਿਆ ਕੀਤਾ ਗਿਆ ਤਾਂ ਇਹ ਜਨਤਕ ਸੁਰੱਖਿਆ ਲਈ ਖ਼ਤਰਾ ਬਣ ਸਕਦੀ ਹੈ। ਸ਼ਹਿਰ ਦੇ ਅਧਿਕਾਰੀ ਨੇ ਕਿਹਾ ਕਿ ਇਸ ਦੇ ਮਲਬੇ ਨੂੰ ਹਟਾਉਣ ਵਿਚ ਕਈ ਮਹੀਨੇ ਲੱਗਣਗੇ।
ਵੈਨਕੂਵਰ ਸਿਟੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਸ਼ਹਿਰ ਇਸ ਗੱਲ ਤੋਂ ਨਿਰਾਸ਼ ਹੈ ਕਿ ਡਨਸਮੁਇਰ ਹਾਊਸ ਦੇ ਮਾਲਕ ਨੇ ਇਸ ਵਿਰਾਸਤੀ ਇਮਾਰਤ ਨੂੰ ਇਸ ਹੱਦ ਤੱਕ ਅਣਗੌਲਿਆ ਕੀਤਾ ਕਿ ਜਨਤਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਇਸ ਨੂੰ ਢਾਹੁਣਾ ਹੀ ਇਕ-ਮਾਤਰ ਵਿਕਲਪ ਬਚਿਆ ਹੈ। ਸਿਟੀ ਨੇ ਕਿਹਾ ਕਿ ਜਾਇਦਾਦ ਦੇ ਮਾਲਕ ਨੇ ਬਿਲਡਿੰਗ ਦੀ ਸੇਫਟੀ ਵੱਲ ਧਿਆਨ ਨਹੀਂ ਦਿੱਤਾ।
