13.53C Vancouver 13.53C VancouverSep 5, 2024 12:02 PM - The Canadian Press
ਵੈਨਕੂਵਰ ਵਿਚ ਵਿਆਜ ਦਰਾਂ ਵਿਚ ਕਟੌਤੀ ਦੇ ਬਾਵਜੂਦ ਪਿਛਲੇ ਮਹੀਨੇ ਘਰਾਂ ਦੀ ਵਿਕਰੀ ਵਿਚ 17% ਗਿਰਾਵਟ ਦਰਜ ਕੀਤੀ ਗਈ ਹੈ। ਗ੍ਰੇਟਰ ਵੈਨਕੂਵਰ ਦੇ ਰੀਅਲਟਰਸ ਦਾ ਕਹਿਣਾ ਹੈ ਕਿ ਇਸ ਖੇਤਰ ਵਿਚ ਘਰਾਂ ਦੀ ਵਿਕਰੀ ਅਗਸਤ ਵਿਚ ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 17.1 ਪ੍ਰਤੀਸ਼ਤ ਘਟ ਗਈ ਅਤੇ ਇਹ 10 ਸਾਲਾਂ ਦੀ ਮੌਸਮੀ ਔਸਤ ਤੋਂ ਇਕ ਚੌਥਾਈ ਤੋਂ ਵੀ ਘੱਟ ਸੀ।
ਰੀਅਲ ਅਸਟੇਟ ਸੰਸਥਾ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਬਾਜ਼ਾਰ ਵਿਚ ਵਿਕਰੀ 1,904 ਰਹੀ, ਜੋ ਅਗਸਤ 2023 ਵਿਚ ਦਰਜ 2,296 ਤੋਂ ਘੱਟ ਹੈ। ਮੈਟਰੋ ਵੈਨਕੂਵਰ ਵਿਚ ਸਾਰੀਆਂ ਰਿਹਾਇਸ਼ੀ ਪ੍ਰੋਪਰਟੀਜ਼ ਲਈ ਸੰਯੁਕਤ ਬੈਂਚਮਾਰਕ ਕੀਮਤ 1,195,900 ਡਾਲਰ ਸੀ, ਜੋ ਅਗਸਤ 2023 ਦੇ ਮੁਕਾਬਲੇ 0.9 ਪ੍ਰਤੀਸ਼ਤ ਘੱਟ ਹੈ ਅਤੇ ਜੁਲਾਈ ਦੇ ਮੁਕਾਬਲੇ 0.1 ਪ੍ਰਤੀਸ਼ਤ ਦੀ ਕਮੀ ਦਰਸਾਉਂਦੀ ਹੈ।
ਅਗਸਤ 'ਚ 4,109 ਨਵੀਆਂ ਸੂਚੀਬੱਧ ਡੀਟੈਚਡ, ਅਟੈਚਡ ਅਤੇ ਅਪਾਰਟਮੈਂਟ ਸੰਪਤੀਆਂ ਸੂਚੀਬੱਧ ਕੀਤੀਆਂ ਗਈਆਂ ਸਨ, ਜੋ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੇ ਮੁਕਾਬਲੇ 4.2 ਫੀਸਦੀ ਜ਼ਿਆਦਾ ਹਨ। ਗ੍ਰੇਟਰ ਵੈਨਕੂਵਰ ਰੀਅਲਟਰਜ਼ ਦੇ ਅਰਥ ਸ਼ਾਸਤਰ ਅਤੇ ਡਾਟਾ ਵਿਸ਼ਲੇਸ਼ਣ ਦੇ ਨਿਰਦੇਸ਼ਕ ਐਂਡਰਿਊ ਲਿਸ ਨੇ ਉਮੀਦ ਜਤਾਈ ਹੈ ਕਿ ਬੁੱਧਵਾਰ ਨੂੰ ਬੈਂਕ ਆਫ ਕੈਨੇਡਾ ਵਲੋਂ ਐਲਾਨੀ ਗਈ ਤੀਸਰੀ ਲਗਾਤਾਰ ਤੀਸਰੀ ਕਟੌਤੀ ਤੋਂ ਬਾਅਦ ਗਾਹਕ ਬਾਹਰ ਨਿਕਲਣਗੇ।
