28.12C Vancouver 28.12C VancouverNov 3, 2020 5:30 PM -
ਗ੍ਰੇਟਰ ਵੈਨਕੂਵਰ ਦੇ ਰੀਅਲ ਐਸਟੇਟ ਬੋਰਡ ਦਾ ਕਹਿਣਾ ਹੈ ਕਿ ਬੀਤੇ ਸਾਲ ਦੇ ਮੁਕਾਬਲੇ, ਅਕਤੂਬਰ 'ਚ ਘਰਾਂ ਦੀ ਵਿਕਰੀ 29% ਉੱਤੇ ਚਲੀ ਗਈ ਹੈ।
ਇਸ ਨੂੰ ਹੁਣ ਤੱਕ ਦਾ ਅਕਤੂਬਰ ਮਹੀਨੇ ਦਾ ਦੂਜਾ ਸਭ ਤੋਂ ਬਿਹਤਰ ਸੇਲਸ ਦਾ ਅੰਕੜਾ ਦੱਸਿਆ ਗਿਆ ਹੈ।
ਬੋਰਡ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ 3,687 ਘਰਾਂ ਦੀ ਵਿਕਰੀ ਹੋਈ।
ਅਕਤੂਬਰ 2019 'ਚ ਇਹ ਅੰਕੜਾ 2,858 ਦਾ ਸੀ।
ਇਸੇ ਸਾਲ ਸਿਤੰਬਰ ਦੇ ਮਹੀਨੇ ਦੇ ਮੁਕਾਬਲੇ, ਘਰਾਂ ਦੀ ਵਿਕਰੀ 'ਚ 1.2% ਦਾ ਵਾਧਾ ਹੋਇਆ ਹੈ।
ਵੈਨਕੂਵਰ ਦੇ ਘਰਾਂ ਦੀ ਬੈਂਚਮਾਰਕ ਕੀਮਤ $1,045,100 ਤੱਕ ਪਹੁੰਚ ਗਈ।
ਇਸ ਨੂੰ ਬੀਤੇ ਸਾਲ ਦੇ ਅਕਤੂਬਰ ਮਹੀਨੇ ਦੀਆਂ ਕੀਮਤਾਂ ਦੇ ਮੁਕਾਬਲੇ 6% ਦਾ ਵਾਧਾ ਦੱਸਿਆ ਗਿਆ ਹੈ, ਜਦਕਿ ਸਿਤੰਬਰ ਦੇ ਮੁਕਾਬਲੇ ਇਹ ਵਾਧਾ 0.4% ਦਾ ਰਿਹਾ।
ਬੋਰਡ ਚੇਅਰ ਕੌਲੇਟ ਗਰਬਰ ਦਾ ਕਹਿਣਾ ਹੈ ਕਿ ਹਾਊਸਿੰਗ ਮਾਰਕਿਟ ਸਨੈਪਸ਼ਾਟ ਦਰਸ਼ਾਉਂਦਾ ਹੈ ਕਿ ਲੋਕ ਆਪਣੀ ਹਾਊਸਿੰਗ ਪ੍ਰਿਸਥਿਤੀ 'ਤੇ ਧਿਆਨ ਦੇ ਰਹੇ ਹਨ, ਅਤੇ ਇਸ 'ਚ ਕੋਵਿਡ-19 ਪੈਂਡੇਮਿਕ ਵੀ ਇੱਕ ਕਾਰਨ ਰਿਹਾ ਹੋ ਸਕਦਾ ਹੈ, ਜਿੱਥੇ ਲੋਕਾਂ ਨੂੰ ਘਰਾਂ 'ਚ ਵਧੇਰੇ ਸਮਾਂ ਬਿਤਾਉਣਾ ਪੈ ਰਿਹਾ ਹੈ।
