9.81C Vancouver 9.81C VancouverJan 19, 2022 11:35 PM - The Canadian Press
ਵੈਨਕੂਵਰ ਆਈਲੈਂਡ 'ਤੇ ਇੱਕ ਫਰਸਟ ਨੇਸ਼ਨ ਵੱਲੋਂ ਸਟੇਟ ਆਫ ਐਮਰਜੈਂਸੀ ਐਲਾਨ ਦਿੱਤੀ ਗਈ ਹੈ।
ਇਸ ਦੇ ਨਾਲ ਹੀ ਇਲਾਕੇ 'ਚ ਪਾਣੀ ਦੇ ਟਾਇਲੈਟ 'ਚ ਵਰਤਣ ਤੋਂ ਇਲਾਵਾ ਹੋਰ ਕਿਸੇ ਵੀ ਪ੍ਰਕਾਰ ਦੀ ਵਰਤੋਂ ਲਈ ਪਬੰਦੀ ਲਗਾ ਦਿੱਤੀ ਗਈ ਹੈ।
ਅਜਿਹਾ ਉਸ ਵੇਲੇ ਕੀਤਾ ਗਿਆ ਹੈ ਜਦ ਇੱਕ ਬਾਰਜ ਕਾਰਨ ਇੱਕ ਵਾਟਰ ਸਪਲਾਈ ਲਾਈਨ ਨੂੰ ਨੁਕਸਾਨ ਪਹੁੰਚਿਆ ਹੈ।
ਇਸ ਸੰਬੰਧੀ ਜਾਣਕਾਰੀ ਡਿਸਟ੍ਰਿਕਟ ਆਫ ਉਕਲੂਲੈਟ ਵੱਲੋਂ ਜਾਰੀ ਕੀਤੀ ਗਈ ਹੈ।
ਦੱਸਿਆ ਗਿਆ ਕਿ ਉਕਲੂਲੈਟ ਅਤੇ ਹਿਟਾਕੁ ਇੰਡੀਜਨਸ ਕਮਿਊਨਿਟੀ ਵਿਚਾਲੇ ਦੇ ਇਨਲੈਟ 'ਚ ਅੰਡਰਵਾਟਰ ਲਾਈਨ ਨੂੰ ਸੋਮਵਾਰ ਨੂੰ ਨੁਕਸਾਨ ਪਹੁੰਚਿਆ ਸੀ।
ਇਸ ਦੇ ਚਲਦਿਆਂ ਹੁਣ ਕਮਿਊਨਿਟੀ 'ਚ ਨਹਾਉਣ, ਪੀਣ, ਕੁਕਿੰਗ ਅਤੇ ਫਾਇਰ ਸਪ੍ਰੈਸ਼ਨ ਲਈ ਪਾਣੀ ਦੀ ਵਰਤੋਂ 'ਤੇ ਪਬੰਦੀ ਲਗਾ ਦਿੱਤੀ ਗਈ ਹੈ।
ਫਰਸਟ ਨੇਸ਼ਨ ਦਾ ਕਹਿਣਾ ਹੈ ਕਿ ਕਰੀਬ 275 ਪ੍ਰਭਾਵਿਤ ਨਾਗਰਿਕਾਂ ਨੂੰ ਟਰੱਕਾਂ ਆਸਰੇ ਪਾਣੀ ਪਹੁੰਚਾਇਆ ਜਾ ਰਿਹਾ ਹੈ।
ਇਹ ਵੀ ਦੱਸਿਆ ਗਿਆ ਕਿ ਸਟੇਟ ਆਫ ਐਮਰਜੈਂਸੀ ਨੂੰ ਉਸ ਵੇਲੇ ਤਕ ਹਟਾਇਆ ਨਹੀਂ ਜਾ ਸਕਦਾ ਜਦ ਤਕ ਕਿ ਪਾਣੀ ਨੂੰ ਟੈਸਟ ਨਹੀਂ ਕਰ ਲਿਆ ਜਾਂਦਾ ਅਤੇ ਉਸ ਨੂੰ ਸੁਰੱਖਿਅਤ ਨਹੀਂ ਐਲਾਨ ਦਿੱਤਾ ਜਾਂਦਾ।
ਡਿਸਟ੍ਰਿਕਟ ਦਾ ਕਹਿਣਾ ਹੈ ਕਿ ਡਾਈਵਰਸ ਨੇ ਮੰਗਲਵਾਰ ਨੂੰ ਵਾਟਰ ਲਾਈਨ ਦੇ 300 ਮੀਟਰ ਦੇ ਨੁਕਸਾਨੇ ਹਿੱਸੇ ਨੂੰ ਹਟਾ ਦਿੱਤਾ ਸੀ ਅਤੇ ਰਿਪੇਅਰ ਦਾ ਕੰਮ ਜਾਰੀ ਹੈ।
