13.32C Vancouver 13.32C VancouverMay 20, 2025 8:13 PM -
ਵੈਨਕੂਵਰ ਆਈਲੈਂਡ 'ਤੇ ਕੁਝ ਵਿਦਿਆਰਥੀਆਂ ਵੱਲੋਂ ਵਿਸ਼ਵ ਦੀ ਸਭ ਤੋਂ ਵੱਡੀ ਨਨਾਈਮੋ ਬਾਰ ਨੂੰ ਅਸੈਂਬਲ ਕੀਤਾ ਗਿਆ ਹੈ। ਇਸ ਬਾਰ ਦੀ ਰੈਸਿਪੀ ਅਜਿਹੀ ਸੀ ਕਿ ਇਸ 'ਚ ਵਰਤੇ ਗਏ ਮੱਖਣ ਦੇ ਵਜਨ ਦੀ ਤੁਲਣਾ ਕਿਸੇ ਹਾਥੀ ਦੇ ਬੱਚੇ ਦੇ ਭਾਰ ਨਾਲ ਕੀਤੀ ਜਾ ਸਕਦੀ ਹੈ।
ਇਸ ਬਾਰ ਨੂੰ ਵਿਸ਼ਵ ਦੀ ਸਭ ਤੋਂ ਵੱਡੀ ਨਨਾਈਮੋ ਬਾਰ ਦੀ ਸਰਟੀਫਿਕੇਸ਼ਨ ਮਿਲ ਗਈ ਹੈ। ਇਸ ਨੂੰ ਵੈਨਕੂਵਰ ਆਈਲੈਂਡ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੇ ਨਨਾਈਮੋ ਵਿਖੇ ਬੇਕ ਕੀਤਾ। ਇਸ ਦੀ ਪ੍ਰਦਰਸ਼ਨੀ ਲੰਘੇ ਸ਼ਨੀਵਾਰ ਨੂੰ ਕੀਤੀ ਗਈ ਸੀ।
ਇਸ ਬਾਰ ਦੀ ਲੰਬਾਈ 21.3 ਮੀਟਰ ਹੈ ਅਤੇ ਇਹ ਬਾਰ 0.9 ਮੀਟਰ ਚੌੜੀ ਹੈ। ਇਸ ਦਾ ਵਜੋਂ ਕਰੀਬ 500 ਕਿਲੋਗ੍ਰਾਮ ਦੱਸਿਆ ਗਿਆ ਹੈ।
ਪ੍ਰੋਗਰਾਮ ਦੇ ਚੇਅਰ, ਆਰਨ ਵੈਬਰ ਦਾ ਕਹਿਣਾ ਸੀ ਕਿ ਵਿਦਿਆਰਥੀਆਂ ਨੂੰ ਇਹ ਆਈਡੀਆ ਕੁਝ ਸਾਲ ਪਹਿਲਾਂ ਸੁਝਿਆ ਸੀ ਜਦ ਉਹ ਇੱਕ ਬ੍ਰੇਨਸਟਾਰਮਿੰਗ ਸੈਸ਼ਨ 'ਚ ਵਪਾਰ ਲਈ ਪਬਲੀਸਿਟੀ ਅਤੇ ਐਕਸਾਈਟਮੈਂਟ ਜਨਰੇਟ ਕਰਨ ਦੀ ਚਰਚਾ ਕਰ ਰਹੇ ਸਨ।
ਇਸ ਤੋਂ ਪਹਿਲਾਂ ਦਾ ਵਿਸ਼ਵ ਰਿਕਾਰਡ ਔਂਟੈਰੀਓ ਦੇ ਲਵਾਕ ਤੋਂ ਬਾਰ ਬਣਾਉਣ ਵਾਲੇ ਇੱਕ ਪ੍ਰੀਵਾਰ ਦੇ ਨਾਮ ਦਰਜ ਸੀ ਜਿੰਨਾ 240 ਕਿਲੋਗ੍ਰਾਮ ਦੀ ਬਾਰ ਤਿਆਰ ਕੀਤੀ ਸੀ।
