14.53C Vancouver 14.53C VancouverApr 14, 2022 8:33 PM - The Canadian Press
ਵੈਨਕੂਵਰ ਹੁਣ ਅਧਿਕਾਰਿਤ ਤੌਰ 'ਤੇ ਫੀਫਾ ਵਿਸ਼ਵ ਕੱਪ 2026 ਦਾ ਮੇਜਬਾਨ ਸ਼ਹਿਰ ਬਣਨ ਦੀ ਦੌੜ 'ਚ ਸ਼ਾਮਿਲ ਹੋ ਗਿਆ ਹੈ।
ਕੈਨੇਡਾ, ਮੈਕਸੀਕੋ ਅਤੇ ਅਮਰੀਕਾ 'ਚ 48 ਟੀਮਾਂ ਦੀ ਹਿੱਸੇਦਾਰੀ ਵਾਲੇ ਟੂਰਨਾਮੈਂਟ ਦੇ ਮੁਕਾਬਲੇ ਕਿਹੜੇ-ਕਿਹੜੇ ਸ਼ਹਿਰਾਂ 'ਚ ਹੋਣਗੇ, ਇਸ ਦੀ ਸਿਲੈਕਸ਼ਨ ਪ੍ਰੀਕਿਰਿਆ ਸ਼ੁਰੂ ਹੋ ਗਈ ਹੈ।
ਇਸ ਤੋਂ ਪਹਿਲਾਂ ਵੈਨਕੂਵਰ ਨੇ ਕਦੀ ਵੀ ਵਿਸ਼ਵ ਕੱਪ ਦੇ ਮੁਕਾਬਲੇ ਹੋਸਟ ਨਹੀਂ ਕੀਤੇ ਹਨ।
ਹਾਲਾਂਕਿ ਵੈਨਕੂਵਰ ਨੇ ਫੀਫਾ ਮਹਿਲਾ ਵਿਸ਼ਵ ਕੱਪ 2015 ਦੌਰਾਨ ਕੁਝ ਮੁਕਾਬਲਿਆਂ ਦੀ ਮੇਜਬਾਨੀ ਕੀਤੀ ਸੀ।
ਵਿਸ਼ਵ ਕੱਪ 2015 ਦਾ ਫਾਈਨਲ ਮੁਕਾਬਲਾ ਵੀ ਵੈਨਕੂਵਰ ਦੇ ਬੀ.ਸੀ. ਪਲੇਸ 'ਚ ਖੇਡਿਆ ਗਿਆ ਸੀ।
ਇਸ ਐਲਾਨ ਤੋਂ ਬਾਅਦ ਜਾਰੀ ਕੀਤੇ ਇੱਕ ਬਿਆਨ 'ਚ ਬੀ.ਸੀ. ਦੀ ਮਿਨਿਸਟਰ ਆਫ ਟੂਰਿਜ਼ਮ, ਆਰਟਸ, ਕਲਚਰ ਅਤੇ ਸਪੋਰਟ, ਮੈਲਨੀ ਮਾਰਕ ਨੇ ਕਿਹਾ ਕਿ ਉਹ ਇਸ ਕਦਮ ਨਾਲ ਬੇਹੱਦ ਉਤਸ਼ਾਹਤ ਹਨ।
ਉਨ੍ਹਾਂ ਕਿਹਾ ਕਿ ਇਹ ਵਿਸ਼ਵ ਦਾ ਸਭ ਤੋਂ ਵੱਡਾ ਸਪੋਰਟਿੰਗ ਈਵੈਂਟ ਹੈ।
ਮੈਲਨੀ ਮਾਰਕ ਨੇ ਕਿਹਾ ਕਿ ਇਸ ਟੂਰਨਾਮੈਂਟ ਦੀ ਮੇਜਬਾਨੀ ਕਰਨਾ ਸੌਕਰ ਪ੍ਰਸ਼ੰਸਕਾਂ ਲਈ ਜੀਵਨ 'ਚ ਇੱਕ ਵਾਰ ਮਿਲਣ ਵਾਲੇ ਮੌਕੇ ਜਿਹਾ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਇਹ ਸੂਬੇ ਦੇ ਟੂਰਿਜ਼ਮ ਸੈਕਟਰ ਲਈ ਵੀ ਚੰਗਾ ਹੋਵੇਗਾ।
ਯਾਦ ਰਹੇ ਫੀਫਾ ਨੇ ਅੱਜ ਹੀ ਪੁਸ਼ਟੀ ਕੀਤੀ ਹੈ ਕਿ ਵਿਸ਼ਵ ਕੱਪ ਦੀ ਮੇਜਬਾਨੀ ਕਰਨ ਵਾਲੇ ਸ਼ਹਿਰਾਂ ਦੀ ਚੋਣ ਪ੍ਰੀਕਿਰਿਆ 'ਚ ਵੈਨਕੂਵਰ ਵੀ ਦੌੜ 'ਚ ਹੈ।
