23.18C Vancouver 23.18C VancouverNov 18, 2020 8:29 PM -
ਵੈਨਕੂਵਰ ਮੇਯਰ ਕੈਨੇਡੀ ਸਟੀਵਰਟ ਦਾ ਕਹਿਣਾ ਹੈ ਕਿ ਉਹ ਇੱਕ ਅਜਿਹਾ ਮਤਾ ਪੇਸ਼ ਕਰਨ ਜਾ ਰਹੇ ਹਨ, ਜਿਸ ਤਹਿਤ ਸਿਟੀ ਕਾਉਂਸਿਲ ਗੈਰਕਨੂੰਨੀ ਡਰੱਗਸ ਨੂੰ ਨਿੱਜੀ ਵਰਤੋਂ ਲਈ ਰੱਖੇ ਜਾਣ ਨੂੰ ਗੈਰਅਪਰਾਧਿਕ ਬਣਾਉਣ ਦੇ ਮਾਮਲੇ 'ਚ ਵੋਟ ਕਰੇਗਾ।
ਉਨ੍ਹਾਂ ਕਿਹਾ ਕਿ ਸਿਟੀ ਡਰੱਗ ਪਾਲਿਸੀ ਬਦਲਾਅ 'ਚ ਸਭ ਤੋਂ ਅੱਗੇ ਰਿਹਾ ਹੈ।
ਇਹ ਕੈਨੇਡਾ 'ਚ ਅਜਿਹਾ ਕਰਨ ਵਾਲੀ ਪਹਿਲੀ ਜੁਰਿਸਡਿਕਸ਼ਨ ਬਣ ਸਕਦੀ ਹੈ।
ਅਗਲੇ ਹਫ਼ਤੇ ਇਸ ਮਤੇ ਨੂੰ ਪੇਸ਼ ਕਰਨ ਤੋਂ ਬਾਅਦ, ਸਟੀਵਰਟ ਵੱਲੋਂ ਫੈਡਰਲ ਅਧਿਕਾਰੀਆਂ ਨੂੰ ਲਿਖਿਆ ਜਾਵੇਗਾ ਕਿ ਫੈਡਰਲ ਕਂਟ੍ਰੋਲਡ ਡਰੱਗਸ ਅਤੇ ਸਬਸਟੈਂਸਿਸ ਐਕਟ 'ਚ ਸ਼ਹਿਰ ਨੂੰ ਢਿੱਲ ਦਿੱਤੀ ਜਾਵੇ।
ਇਸ ਨਾਲ ਸ਼ਹਿਰ ਦੀਆਂ ਪਬੰਦੀਆਂ ਹਟ ਸਕਣਗੀਆਂ।
ਮੇਅਰ ਨੇ ਕਿਹਾ ਕਿ ਅਪ੍ਰੈਲ 2016 'ਚ ਪਬਲਿਕ ਹੈਲਥ ਕ੍ਰਾਈਸਿਸ ਐਲਾਨੇ ਜਾਣ ਤੋਂ ਬਾਅਦ, 2020 ਤੱਕ ਇਕੱਲੇ ਵੈਨਕੂਵਰ 'ਚ 1,500 ਤੋਂ ਵਧੇਰੇ ਓਵਰਡੋਜ਼ ਸੰਬੰਧੀ ਮੌਤਾਂ ਹੋ ਚੁੱਕੀਆਂ ਹਨ।
ਵੈਨਕੂਵਰ ਕੋਸਟਲ ਹੈਲਥ ਦੀ ਚੀਫ਼ ਮੈਡਿਕਲ ਹੈਲਥ ਅਫ਼ਸਰ, ਡਾ. ਪੈਟ੍ਰੀਸ਼ੀਆ ਡਾਲੀ ਦਾ ਕਹਿਣਾ ਹੈ ਕਿ ਪੈਂਡੇਮਿਕ ਦਰਮਿਆਨ ਓਵਰਡੋਜ਼ ਸੰਬੰਧੀ ਸੰਕਟ 'ਚ ਹੋਰ ਵਾਧਾ ਹੋ ਗਿਆ ਹੈ।
ਸਟੀਵਰਟ ਦਾ ਕਹਿਣਾ ਹੈ ਕਿ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀ ਪ੍ਰਧਾਨ ਮੰਤਰੀ ਨੂੰ ਲਿਖਿਆ ਸੀ ਕਿ ਸਿੰਪਲ ਪੋਜ਼ੈਸ਼ਨ ਨੂੰ ਡੀਕ੍ਰਿਮਿਨਲਾਈਜ਼ ਕੀਤਾ ਜਾਵੇ।
