12.67C Vancouver 12.67C VancouverFeb 16, 2021 9:20 PM -
ਵੈਨਕੂਵਰ ਦੇ ਮੇਅਰ ਕੈਨੇਡੀ ਸਟੀਵਰਟ ਦਾ ਕਹਿਣਾ ਹੈ ਕਿ ਉਹ ਆਪਣੇ ਕਾਉਂਸਿਲ ਨੂੰ ਹੈਂਡਗੰਨ ਬੈਨ ਲਗਾਉਣ ਲਈ ਕਹਿਣਗੇ।
ਨਵੇਂ ਪ੍ਰਪੋਜ਼ ਕੀਤੇ ਗਏ ਫੈਡਰਲ ਕਨੂੰਨ ਤਹਿਤ ਤਾਕਤਾਂ ਦਾ ਇਸਤੇਮਾਲ ਕਰਦੇ ਹੋਏ ਅਜਿਹਾ ਕੀਤਾ ਜਾਵੇਗਾ।
ਨਵੇਂ ਪ੍ਰਪੋਜ਼ ਕੀਤੇ ਗਏ ਕਨੂੰਨ ਤਹਿਤ ਮਿਊਨਿਸਪੈਲਟੀਆਂ ਨੂੰ ਅਧਿਕਾਰ ਹੋਵੇਗਾ ਕਿ ਹਥਿਆਰਾਂ ਨੂੰ ਰੱਖਣ, ਸਟੋਰੇਜ ਅਤੇ ਟ੍ਰਾਂਸਪੋਰਟੇਸ਼ਨ ਨੂੰ ਸੀਮਤ ਕੀਤਾ ਜਾ ਸਕੇ।
ਇੱਕ ਨਿਊਜ਼ ਰਿਲੀਜ਼ 'ਚ ਸਟੀਵਰਟ ਨੇ ਕਿਹਾ ਕਿ ਵੈਨਕੂਵਰ 'ਚ ਹੈਂਡਗੰਨਸ ਕਾਰਨ ਲੋਕਾਂ ਦੀ ਸੁਰੱਖਿਆ ਨੂੰ ਖਤਰਾ ਖੜਾ ਹੁੰਦਾ ਹੈ।
ਉਨ੍ਹਾਂ ਇਸ ਮੌਕੇ ਵੈਨਕੂਵਰ ਦੀਆਂ ਹਾਲ ਦੀਆਂ ਗੈਂਗ ਸੰਬੰਧੀ ਗਤੀਵਿਧੀਆਂ ਅਤੇ ਅਸਲਾ ਬਰਾਮਦ ਹੋਣ ਦੀਆਂ ਘਟਨਾਵਾਂ ਦਾ ਵੀ ਜ਼ਿਕਰ ਕੀਤਾ।
ਸਟੀਵਰਟ ਨੇ ਕਿਹਾ ਕਿ, ਉਨ੍ਹਾਂ ਦਾ ਦਫ਼ਤਰ, ਬਿੱਲ ਸੀ-21 ਨੂੰ ਨੇੜ ਤੋਂ ਵੇਖੇਗਾ ਅਤੇ ਉਸ ਦੇ ਹਾਊਸ ਅਤੇ ਸੈਨੇਟ ਤੋਂ ਲੰਘਣ ਦਾ ਧਿਆਨ ਕਰੇਗਾ ਜਿਸ ਨਾਲ ਕਿ ਲੋਕਲ ਕਨੂੰਨ 'ਤੇ ਅਸਰ ਪੈ ਸਕਦਾ ਹੋਵੇ।
ਉਨ੍ਹਾਂ ਕਿਹਾ ਕਿ ਜਲਦੀ ਤੋਂ ਜਲਦੀ ਇਸ ਨਾਲ ਜੁੜਿਆ ਮਤਾ ਲਿਆਂਦਾ ਜਾਵੇਗਾ, ਜਿਸ ਨਾਲ ਹੈਂਡਗੰਨ 'ਤੇ ਪਬੰਦੀਆਂ ਨਾਲ ਜੁੜੇ ਕਨੂੰਨ ਬਣਾਏ ਜਾਣ ਲਈ ਸਟਾਫ਼ ਨੂੰ ਨਿਰਦੇਸ਼ ਦਿੱਤੇ ਜਾਣ।
