15.3C Vancouver 15.3C VancouverApr 4, 2020 10:30 PM -
ਵੈਨਕੂਵਰ ਪਾਰਕ ਬੋਰਡ ਵੱਲੋਂ ਆਪਣੇ 2 ਦਰਜਨ ਤੋਂ ਵਧੇਰੇ ਸਟਾਫ ਮੈਂਬਰਾਂ ਨੂੰ ਸਿਟੀ ਪਾਰਕ ਅਤੇ ਵੱਖੋ ਵੱਖਰੇ ਬੀਚਾਂ ਦੀ ਪੈਟਰੋਲਿੰਗ 'ਤੇ ਲਗਾਇਆ ਜਾ ਰਿਹਾ ਹੈ।
ਇਨ੍ਹਾਂ ਵੱਲੋਂ ਲੋਕਾਂ ਨੂੰ ਫਿਜੀਕਲ ਡਿਸਟੈਨਸਿੰਗ ਪ੍ਰਤੀ ਸਚੇਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਇਹ ਸਟਾਫ ਮੈਂਬਰ ਕੋਸ਼ਿਸ਼ ਕਰਨਗੇ ਕਿ, ਕੋਵਿਡ-19 ਸੰਕਟ ਦੌਰਾਨ ਲੋਕਾਂ ਵੱਲੋਂ ਬਾਹਰ ਦੀਆਂ ਥਾਵਾਂ 'ਤੇ ਵਰਤੇ ਜਾ ਰਹੇ ਕਦਮਾਂ ਦਾ ਧਿਆਨ ਰੱਖਣ ਅਤੇ ਉਨ੍ਹਾਂ ਨੂੰ ਸਹੀ ਤਰੀਕੇ ਨਾਲ ਸਿਹਤ ਸੁਰੱਖਿਆ ਕਦਮਾਂ ਬਾਰੇ ਵਿਵਹਾਰ ਬਾਰੇ ਜਾਣੂ ਕਰਵਾਉਣ।
ਬੋਰਡ ਦਾ ਕਹਿਣਾ ਹੈ ਕਿ, ਇਸਦੇ ਨਾਲ ਪਾਰਕ ਰੇਂਜਰਸ ਨੂੰ ਵੀ ਮਦਦ ਮਿਲੇਗੀ, ਜੋ ਕਿ ਫਿਜੀਕਲ ਡਿਸਟੈਨਸਿੰਗ ਬਾਰੇ 1,400 ਤੋਂ ਵੱਧ ਚਿਤਾਵਨੀਆਂ ਦੇ ਚੁੱਕੇ ਹਨ।
ਬੋਰਡ ਦੇ ਚੇਅਰਮੈਨ, ਕੈਮਿਲ ਡੂਮੌਂਟ ਦਾ ਕਹਿਣਾ ਹੈ ਕਿ ਕਈ ਰਿਕਰੀਏਅਸ਼ਨਲ ਇਲਾਕਿਆਂ ਨੂੰ ਖੁੱਲਾ ਰਖਿਆ ਗਿਆ ਹੈ ਅਤੇ ਇਨ੍ਹਾਂ ਥਾਵਾਂ ਦੀ ਲੋਕਾਂ ਦੀ ਸਿਹਤ ਸੰਬੰਧੀ ਕਾਫੀ ਅਹਿਮੀਅਤ ਹੈ।
ਪਰ ਉਨ੍ਹਾਂ ਕਿਹਾ ਕਿ ਲੋਕਾਂ ਦੀ ਸੁਰੱਖਿਆ ਵੀ ਬੇਹਦ ਜਰੂਰੀ ਹੈ ਅਤੇ ਇਸੇ ਕਾਰਨ ਇਨ੍ਹਾਂ ਥਾਵਾਂ 'ਤੇ ਵੀ ਲੋਕਾਂ ਨੂੰ 2 ਮੀਟਰ ਦੇ ਫਾਸਲੇ ਦਾ ਧਿਆਨ ਰੱਖਣ ਨੂੰ ਕਿਹਾ ਗਿਆ ਹੈ।
