24.36C Vancouver 24.36C VancouverMar 28, 2022 10:20 PM - Connect News
ਵੈਨਕੂਵਰ 'ਚ ਵਾਪਰੀ ਇੱਕ ਕਤਲ ਦੀ ਵਾਰਦਾਤ ਦੇ ਮਾਮਲੇ 'ਚ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਮਾਮਲਾ ਵੈਨਕੂਵਰ ਦੇ ਇੱਕ ਪਾਰਕ ਕੇਅਰਟੇਕਰ ਦੀ ਮੌਤ ਨਾਲ ਸੰਬੰਧਤ ਹੈ।
ਪੀੜਤ ਦੀ ਉਮਰ 77 ਸਾਲ ਸੀ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਸ਼ਨੀਵਾਰ ਨੂੰ ਇੱਕ 50 ਤੋਂ 60 ਸਾਲ ਦੇ ਦਰਮਿਆਨ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦਾ ਨਾਮ ਬਰੈਂਟ ਸਟੀਵਨ ਵਾਈਟ ਦੱਸਿਆ ਗਿਆ ਹੈ।
ਅਫਸਰਾਂ ਨੇ ਦੱਸਿਆ ਕਿ ਵਿਅਕਤੀ 'ਤੇ ਸੈਕਿੰਡ ਡਿਗਰੀ ਕਤਲ ਦਾ ਇੱਕ ਦੋਸ਼ ਲੱਗਿਆ ਹੈ।
ਮਾਮਲਾ ਵੈਨਕੂਵਰ ਦੇ ਟੈਟਲੋ ਪਾਰਕ ਦੇ ਕੇਅਰਟੇਕਰ ਜਸਟਸ ਡੈਨੀਅਲ ਦੀ ਮੌਤ ਨਾਲ ਸੰਬੰਧਤ ਹੈ।
ਇਸ ਤੋਂ ਪਹਿਲਾਂ 2 ਮਾਰਚ ਨੂੰ ਮਾਮਲੇ 'ਚ ਪੁਲਿਸ ਨੇ ਇੱਕ ਪਰਸਨ ਆਫ ਇੰਟ੍ਰਸਟ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਸੀ।
ਮਾਮਲੇ 'ਚ ਅਪਡੇਟ ਦਿੰਦੇ ਹੋਏ ਵੈਨਕੂਵਰ ਪੁਲਿਸ ਨੇ ਦੱਸਿਆ ਸੀ ਕਿ ਇੱਕ ਵਿਅਕਤੀ ਦੀ ਸਕਿਉਰਿਟੀ ਫੁਟੇਜ ਸਾਂਝੀ ਕੀਤੀ ਜਾ ਰਹੀ ਹੈ ਤਾਂ ਜੋ ਲੋਕ ਇਸ ਸੰਬੰਧੀ ਕੋਈ ਜਾਣਕਾਰੀ ਸਾਂਝੀ ਕਰ ਸਕਣ।
ਕਤਲ ਦੀ ਵਾਰਦਾਤ ਦਿਸੰਬਰ 'ਚ ਵਾਪਰੀ ਸੀ।
10 ਦਿਸੰਬਰ ਨੂੰ ਜਸਟਸ ਡੈਨੀਅਲ ਮ੍ਰਿਤ ਮਿਲਿਆ ਸੀ।
ਪੀੜਤ ਦੀ ਲਾਸ਼ ਵੈਸਟ 3 ਐਵੀਨਿਊ ਅਤੇ ਮੈਕਡੌਨਲਡ ਸਟ੍ਰੀਟ 'ਤੇ ਸਥਿਤ ਉਸ ਦੇ ਘਰ 'ਚ ਮਿਲੀ ਸੀ।
