14.89C Vancouver 14.89C VancouverMar 28, 2025 7:23 PM - The Canadian Press
ਵੈਨਕੂਵਰ ਪੁਲਿਸ ਨੇ ਸ਼ਹਿਰ ਵਿਚ ਟੇਸਲਾ ਵਿਰੋਧੀ ਰੋਸ ਪ੍ਰਦਰਸ਼ਨਾਂ ਦੌਰਾਨ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਲਈ 130 ਤੋਂ ਜ਼ਿਆਦਾ ਅਧਿਕਾਰੀ ਤਾਇਨਾਤ ਕਰਨ ਦਾ ਫੈਸਲਾ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇਸ ਸਮੇਂ ਟੇਸਲਾ ਵਿਰੋਧੀ 28 ਘਟਨਾਵਾਂ ਦੀ ਜਾਂਚ ਕਰ ਰਹੀ ਹੈ ਅਤੇ ਇਹ ਰਾਜਨੀਤਿਕ ਤੋਂ ਪ੍ਰੇਰਿਤ ਹੋਣ ਦਾ ਸ਼ੱਕ ਹੈ ਤੇ ਇਹ ਸਾਰੀਆਂ ਘਟਨਾਵਾਂ 20 ਜਨਵਰੀ ਤੋਂ ਵਾਪਰੀਆਂ ਹਨ।
19 ਘਟਨਾਵਾਂ ਵਿਚ ਟੇਸਲਾ ਡੀਲਰਸ਼ਿਪਾਂ ਅਤੇ ਚਾਰਜਿੰਗ ਸਟੇਸ਼ਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਜਿਨ੍ਹਾਂ ਵਿਚ ਇਮਾਰਤਾਂ 'ਤੇ ਨਫ਼ਰਤ ਭਰੇ ਸ਼ਬਦ ਅਤੇ ਚਿੰਨ੍ਹ ਸਪਰੇਅ ਪੇਂਟ ਕੀਤੇ ਗਏ, ਇਸ ਤੋਂ ਇਲਾਵਾ ਕਾਰਾਂ 'ਤੇ ਅੰਡੇ ਸੁੱਟੇ ਗਏ ਅਤੇ ਸ਼ੀਸ਼ੇ ਤੋੜੇ ਗਏ। ਹੋਰ 9 ਘਟਨਾਵਾਂ ਵਿਚ ਪ੍ਰਾਈਵੇਟ ਟੇਸਲਾ ਕਾਰਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ, ਜਿਨ੍ਹਾਂ ਵਿਚ ਕਾਰਾਂ 'ਤੇ ਪੱਥਰ ਅਤੇ ਤਰਲ ਵਗੈਰਾ ਸੁੱਟੇ ਜਾਣ ਦੇ ਮਾਮਲੇ ਸ਼ਾਮਲ ਹਨ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਘਟਨਾਵਾਂ ਟੇਸਲਾ ਦੇ ਸੀ. ਈ. ਓ. ਈਲੋਨ ਮਸਕ ਦੀ ਟਰੰਪ ਸਰਕਾਰ ਵਿਚ ਸ਼ਮੂਲੀਅਤ ਕਾਰਨ ਹੋਣ ਦਾ ਖ਼ਦਸ਼ਾ ਹੈ।
