16.63C Vancouver 16.63C VancouverAug 23, 2021 9:37 PM -
ਵੈਨਕੂਵਰ ਦੇ ਵਿੱਚ ਕਾਮਾਗਾਟਾ ਮਾਰੂ ਮੈਮੋਰੀਅਲ 'ਤੇ ਡੀਫੇਸਿੰਗ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਵੱਲੋਂ ਇਸ ਮੈਮੋਰੀਅਲ ਨਾਲ ਹੋਈ ਤੋੜਭੰਨ ਅਤੇ ਇਸ 'ਤੇ ਪੇਂਟ ਛਿੜਕਣ ਦੀ ਘਟਨਾ ਨੂੰ ਨਫਰਤੀ ਅਪਰਾਧ ਵਜੋਂ ਵੇਖਿਆ ਜਾ ਰਿਹਾ ਹੈ।
ਇਹ ਮੈਮੋਰੀਅਲ ਕੋਲ ਹਾਰਬਰ ਇਲਾਕੇ 'ਚ ਸੀ-ਵਾਲ ਦੇ ਕੋਲ ਸਥਿਤ ਹੈ।
ਇਹ ਪੂਰੀ ਘਟਨਾ ਐਤਵਾਰ ਨੂੰ ਵਾਪਰੀ ਦੱਸੀ ਗਈ ਹੈ ਅਤੇ ਪੁਲਿਸ ਨੂੰ ਰਿਪੋਰਟਸ ਮਿਲਣ ਤੋਂ ਬਾਅਦ ਜਾਂਚ ਅਰੰਭੀ ਗਈ।
ਪੁਲਿਸ ਨੇ ਦੱਸਿਆ ਕਿ ਕਈ ਥਾਵਾਂ 'ਤੇ ਚਿੱਟੇ ਹੈਂਡ-ਪ੍ਰਿੰਟ ਵੇਖੇ ਜਾ ਸਕਦੇ ਸਨ ਜਿਸ ਨਾਲ ਕਈ ਅਜਿਹੇ ਲੋਕਾਂ ਦੇ ਨਾਮ ਢਕ ਦਿੱਤੇ ਗਏ ਜੋ ਕਿ ਇਸ ਜਹਾਜ਼ 'ਤੇ ਸਵਾਰ ਸਨ।
ਪ੍ਰੀਮਿਅਰ ਜੌਨ ਹੌਰਗਨ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਲਿਖਿਆ ਕਿ ਉਹ ਇਸ ਤੋੜਭੰਨ ਨਾਲ ਬੇਹੱਦ ਨਿਰਾਸ਼ ਹਨ।
ਪੁਲਿਸ ਮਾਮਲੇ 'ਚ ਸਬੂਤ ਜੁਟਾ ਰਹੀ ਹੈ।
ਵੈਨਕੂਵਰ ਤੋਂ ਸਮੁੰਦਰੀ ਜਹਾਜ਼ 'ਤੇ ਸਵਾਰ ਲੋਕਾਂ ਨੂੰ ਦਾਖਿਲ ਨਾ ਹੋਣ ਦਿੱਤੇ ਜਾਣ ਦੇ ਮਾਮਲੇ ਸੰਬੰਧੀ ਇਹ ਮੈਮੋਰੀਅਲ ਸਥਾਪਿਤ ਹੈ।
ਪੂਰੀ ਘਟਨਾ ਇੱਕ ਸਦੀ ਤੋਂ ਵਧੇਰੇ ਸਮਾਂ ਪਹਿਲਾਂ ਵਾਪਰੀ ਸੀ।
23 ਮਈ 1914 ਨੂੰ ਵੈਨਕੂਵਰ 'ਚ ਬੁਰਾਰਡ ਇਨਲੈਟ 'ਤੇ ਪਹੁੰਚੇ 376 ਲੋਕਾਂ ਵਾਲੇ ਕਾਮਾਗਾਟਾ ਮਾਰੂ ਜਹਾਜ ਨੂੰ ਕੈਨੇਡਾ 'ਚ ਦਾਖਿਲਾ ਨਹੀਂ ਦਿੱਤਾ ਗਿਆ ਸੀ।
