ਵੈਨਕੂਵਰ ਪੁਲਿਸ ਨੇ ਜਾਰੀ ਕੀਤੀਆਂ ਲੋਕਾਂ ਦੀ ਸੁਰੱਖਿਆ ਲਈ ਖਤਰਾ ਮੰਨੇ ਜਾ ਰਹੇ ਗੈਂਗਸਟਰਾਂ ਦੀਆਂ ਤਸਵੀਰਾਂ

ਵੈਨਕੂਵਰ ਪੁਲਿਸ ਚੀਫ਼ ਦਾ ਕਹਿਣਾ ਹੈ ਕਿ ਜਾਂਚ ਅਧਿਕਾਰੀਆਂ ਨੂੰ ਆਸ ਨਹੀਂ ਹੈ ਕਿ ਮੈਟਰੋ ਵੈਨਕੂਵਰ ਦੀ ਗੈਂਗ ਹਿੰਸਾ ਜਲਦੀ ਹੀ ਰੁਕ ਜਾਵੇਗੀ।

ਬਲਕਿ ਇਹਨਾਂ ਦਾ ਕਹਿਣਾ ਹੈ ਕਿ ਗੈਂਗ ਹਿੰਸਾ ਦੀਆਂ ਗਤੀਵਿਧੀਆਂ ਹੋਰ ਤੇਜ਼ ਹੋਣ ਦਾ ਸ਼ੰਕਾ ਹੈ।

ਚੀਫ਼ ਕਾਂਸਟੇਬਲ ਐਡਮ ਪਾਲਮਰ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ 'ਚ ਇਸ ਸਾਲ 20 ਗੈਂਗ ਸੰਬੰਧੀ ਕਤਲ ਹੋ ਚੁੱਕੇ ਹਨ।

ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ 20 ਕਤਲ ਦੀਆਂ ਕੋਸ਼ਿਸ਼ਾਂ ਦੇ ਮਾਮਲੇ ਵਾਪਰ ਚੁੱਕੇ ਹਨ।

ਚੀਫ਼ ਕਾਂਸਟੇਬਲ ਐਡਮ ਪਾਲਮਰ ਦਾ ਕਹਿਣਾ ਹੈ ਕਿ 6 ਅਜਿਹੇ ਲੋਕਾਂ ਦੀਆਂ ਤਸਵੀਰਾਂ ਅਤੇ ਨਾਮ ਜਾਰੀ ਕੀਤੇ ਜਾ ਰਹੇ ਹਨ ਜੋ ਕਿ ਲੋਕਾਂ ਲਈ ਖਤਰਾ ਮੰਨੇ ਜਾ ਰਹੇ ਹਨ।

ਉਨ੍ਹਾਂ ਇਹ ਵੀ ਕਿਹਾ ਕਿ ਇਹਨਾਂ ਲੋਕਾਂ ਨੂੰ ਕਿਸੇ ਵੀ ਜਗ੍ਹਾ ਵੇਖੋਂ ਤਾਂ ਇਹਨਾਂ ਤੋਂ ਦੂਰੀ ਬਣਾ ਲਈ ਜਾਵੇ ਅਤੇ ਇਹਨਾਂ ਦੇ ਚਿਹਰੇ ਯਾਦ ਰੱਖੇ ਜਾਣ।

ਉਨ੍ਹਾਂ ਕਿਹਾ ਕਿ ਇਹ ਲੋਕ ਕਿਸੇ ਵੀ ਵੇਲੇ ਆਪਣੇ ਵਿਰੋਧੀਆਂ ਦੇ ਨਿਸ਼ਾਨੇ 'ਤੇ ਆ ਸਕਦੇ ਹਨ।

ਜਿਹੜੇ ਲੋਕਾਂ ਦੇ ਨਾਮ ਜਾਰੀ ਕੀਤੇ ਗਏ ਹਨ ਉਨ੍ਹਾਂ 'ਚ 35 ਸਾਲ ਗਰਿੰਦਰ ਦਿਓ (Garinder Deo), 38 ਸਾਲਾ ਹਰਜੀਤ ਦਿਓ (Harjit Deo), 28 ਸਾਲਾ ਮਨਿੰਦਰ ਧਾਲੀਵਾਲ (Maninder Dhaliwal), 38 ਸਾਲਾ ਬਰਿੰਦਰ ਧਾਲੀਵਾਲ (Barinder Dhaliwal), 22 ਸਾਲਾ ਐਕਨੇ ਐਨਿਗਬੋ (Ekne Enigbo) ਅਤੇ 41 ਸਾਲਾ ਡੇਮਿਯਨ ਰਾਇਨ (Damion Ryan) ਸ਼ਾਮਿਲ ਹਨ।

ਵੈਨਕੂਵਰ ਪੁਲਿਸ ਦਾ ਟਵੀਟ:

#VPDNews: Vancouver Police today released the photos, names and ages of six gangsters with links to Vancouver who pose a significant risk to the safety of the public. http://ow.ly/SLsi50EOJ9x