14.76C Vancouver 14.76C VancouverMay 27, 2022 10:17 PM - The Canadian Press
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ 2 ਬੱਚੀਆਂ ਦੇ ਲਾਪਤਾ ਹੋਣ ਤੋਂ ਬਾਅਦ ਹੁਣ ਦੋਵਾਂ ਦੀ ਭਾਲ ਹੋ ਗਈ ਹੈ।
ਪੁਲਿਸ ਅਨੁਸਾਰ ਦੋਵਾਂ ਬੱਚੀਆਂ ਦੀ ਸੁਰੱਖਿਅਤ ਭਾਲ ਹੋ ਗਈ ਹੈ।
ਕਥਿਤ ਤੌਰ 'ਤੇ ਦੋਵਾਂ ਨੂੰ ਅਗਵਾ ਕਰ ਲਿਆ ਗਿਆ ਸੀ।
ਅਫ਼ਸਰਾਂ ਨੇ ਅੱਜ ਪੁਸ਼ਟੀ ਕੀਤੀ ਕਿ 7 ਸਾਲ ਅਤੇ 9 ਸਾਲ ਦੀ ਉਮਰ ਦੀਆਂ ਬੱਚੀਆਂ ਦੀ ਭਾਲ ਕਰ ਲਈ ਗਈ ਹੈ ਅਤੇ ਦੋਵੇਂ ਵਾਪਿਸ ਆਪਣੇ ਘਰ ਪਰਤ ਚੁੱਕੀਆਂ ਹਨ।
ਦੋਵਾਂ ਬੱਚੀਆਂ ਨੂੰ ਕਥਿਤ ਤੌਰ 'ਤੇ ਉਨ੍ਹਾਂ ਦੀ ਮਾਂ ਦੇ ਘਰ ਤੋਂ ਅਗਵਾ ਕਰ ਲਿਆ ਗਿਆ ਸੀ।
ਮਾਮਲਾ ਵੀਰਵਾਰ ਸ਼ਾਮ ਦਾ ਦੱਸਿਆ ਗਿਆ ਸੀ।
ਪ੍ਰਾਈਵੇਸੀ ਕਾਰਨਾਂ ਦੇ ਕਾਰਨ ਖਬਰ ਵਿੱਚ ਦੋਵਾਂ ਬੱਚੀਆਂ ਦੇ ਨਾਮ ਸਾਂਝੇ ਨਹੀਂ ਕੀਤੇ ਜਾ ਰਹੇ ਹਨ।
ਇਸ ਤੋਂ ਪਹਿਲਾਂ ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਬੱਚੀਆਂ ਨੂੰ ਵੀਰਵਾਰ ਸ਼ਾਮ ਕਰੀਬ 7 ਵਜੇ ਉਨ੍ਹਾਂ ਦੇ ਕੈਂਪਬੈਲ ਅਤੇ ਹੇਸਟਿੰਗਸ ਸਟ੍ਰੀਟ ਕੋਲ ਸਥਿਤ ਘਰ ਤੋਂ ਅਗਵਾ ਕਰ ਲਿਆ ਗਿਆ ਸੀ।
ਮੰਨਿਆ ਜਾ ਰਿਹਾ ਸੀ ਕਿ ਇੱਕ 37 ਸਾਲਾ ਔਰਤ ਨੇ ਇਨ੍ਹਾਂ ਬੱਚੀਆਂ ਨੂੰ ਅਗਵਾ ਕੀਤਾ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਇਹ ਬੱਚੀਆਂ ਦੀ ਮਾਂ ਨੂੰ ਜਾਣਦੀ ਸੀ।
ਪੁਲਿਸ ਨੇ ਇਸ ਔਰਤ ਅਤੇ ਦੋਵਾਂ ਬੱਚੀਆਂ ਦੀ ਤਸਵੀਰ ਵੀ ਜਾਰੀ ਕੀਤੀ ਸੀ।
ਪੁਲਿਸ ਨੇ ਅਪਡੇਟ ਦੌਰਾਨ ਦੱਸਿਆ ਕਿ ਮਾਮਲੇ 'ਚ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਪਰ ਉਸ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
