13.29C Vancouver 13.29C VancouverOct 14, 2022 9:25 PM - Connect News
ਵੈਨਕੂਵਰ ਪੁਲਿਸ ਨੇ ਇੱਕ ਵਿਅਕਤੀ ਦੀ ਤਸਵੀਰ ਜਾਰੀ ਕੀਤੀ ਹੈ ਜਿਸ ਨੇ ਕਥਿਤ ਤੌਰ 'ਤੇ ਗ੍ਰੈਨਵਿਲ ਸਟ੍ਰੀਟ 'ਤੇ ਖੜੇ ਇੱਕ ਆਦਮੀ 'ਤੇ ਹਮਲਾ ਕੀਤਾ ਸੀ।
ਮਾਮਲਾ 14 ਅਗਸਤ ਦਾ ਦੱਸਿਆ ਗਿਆ ਹੈ।
ਕਥਿਤ ਤੌਰ 'ਤੇ ਤੜਕੇ ਕਰੀਬ 1 ਵਜੇ ਇੱਕ 36 ਸਾਲਾ ਆਦਮੀ ਆਪਣੇ ਕੁਝ ਲੋਕਾਂ ਨਾਲ ਗ੍ਰੈਨਵਿਲ ਅਤੇ ਹੈਲਮਕੈਨ ਸਟ੍ਰੀਟ ਦੇ ਇਲਾਕੇ 'ਚ ਇੱਕ ਪੱਬ ਦੇ ਬਾਹਰ ਸਾਈਡਵਾਕ 'ਤੇ ਖੜਾ ਸੀ।
ਇਸੇ ਦੌਰਾਨ ਇੱਕ ਅਣਜਾਣ ਵਿਅਕਤੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਸਿਰ 'ਤੇ ਮੁੱਕੇ ਨਾਲ ਵਾਰ ਕੀਤਾ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਹਾਲ ਦੀ ਘੜੀ ਅਜਿਹੇ ਕੋਈ ਸਬੂਤ ਨਹੀਂ ਹਨ ਕਿ ਪੀੜਤ ਦੀ ਹਮਲਾਵਰ ਨਾਲ ਪਹਿਲਾਂ ਕੋਈ ਵੀ ਗੱਲਬਾਤ ਹੋਈ ਹੋਵੇ।
ਉਨ੍ਹਾਂ ਕਿਹਾ ਕਿ ਪੀੜਤ ਨੂੰ ਲੱਗੀ ਸੱਟ ਦੇ ਨਿਸ਼ਾਨ ਕਾਫੀ ਸਮੇਂ ਤਕ ਉਸ ਦੇ ਚਿਹਰੇ 'ਤੇ ਰਹਿਣਗੇ।
ਉਨ੍ਹਾਂ ਕਿਹਾ ਕਿ ਮੌਕੇ 'ਤੇ ਅਨੇਕਾਂ ਲੋਕ ਮੌਜੂਦ ਸਨ ਅਤੇ ਕਿਸੇ ਕੋਲ ਹਮਲਾਵਰ ਸੰਬੰਧੀ ਕੋਈ ਜਾਣਕਾਰੀ ਜਰੂਰ ਹੋਵੇਗੀ।
ਪੁਲਿਸ ਨੇ ਸ਼ੱਕੀ ਦੀ ਤਸਵੀਰ ਜਾਰੀ ਕਰ ਉਸ ਦੀ ਜਾਣਕਾਰੀ ਸਾਂਝੀ ਕਰਨ ਦੀ ਅਪੀਲ ਕੀਤੀ ਹੈ।
