9.43C Vancouver 9.43C VancouverMar 28, 2022 8:20 PM - The Canadian Press
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਟੀਨੇਜਰ ਲੜਕੀ 'ਤੇ ਕੀਤੇ ਹਮਲੇ ਦੇ ਮਾਮਲੇ 'ਚ ਇੱਕ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਮਾਮਲਾ ਵੀਕਐਂਡ ਦੌਰਾਨ ਦਾ ਦੱਸਿਆ ਗਿਆ ਅਤੇ ਕਥਿਤ ਤੌਰ 'ਤੇ ਇੱਕ ਆਦਮੀ ਨੇ ਅਚਾਨਕ ਇੱਕ ਟੀਨੇਜਰ ਨੂੰ ਮੁੱਕਾ ਮਾਰਿਆ।
ਪੀੜਤ ਟੀਨੇਜਰ ਬੇਹੋਸ਼ ਹੋ ਗਈ।
ਵੈਨਕੂਵਰ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ 18 ਸਾਲਾ ਐਕਸਚੇਂਜ ਸਟੂਡੈਂਟ ਨੂੰ ਵੈਸਟ ਪੈਂਡਰ ਅਤੇ ਹਾਓ ਸਟ੍ਰੀਟ ਦੇ ਇਲਾਕੇ 'ਚ ਹਮਲੇ ਦਾ ਨਿਸ਼ਾਨਾ ਬਣਾਇਆ ਗਿਆ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਪੀੜਤ ਟੀਨੇਜਰ ਆਪਣੇ ਦੋਸਤ ਨਾਲ ਤੁਰ ਕੇ ਜਾ ਰਹੀ ਸੀ ਜਦ ਅਚਾਨਕ ਇੱਕ ਵਿਅਕਤੀ ਨੇ ਉਸ ਨੂੰ ਹਿੰਸਾ ਦਾ ਨਿਸ਼ਾਨਾ ਬਣਾਇਆ।
ਪੀੜਤ ਟੀਨੇਜਰ ਨੇ ਹਮਲਾਵਰ ਨੂੰ ਇਸ ਤੋਂ ਪਹਿਲਾਂ ਕਦੀ ਨਹੀਂ ਵੇਖਿਆ ਸੀ ਅਤੇ ਪੀੜਤ ਦਾ ਧਿਆਨ ਕਿਸੇ ਹੋਰ ਪਾਸੇ ਹੋਣ ਕਾਰਨ ਉਹ ਖੁਦ ਦਾ ਬਚਾਅ ਕਰਨ 'ਚ ਵੀ ਨਾਕਾਮ ਰਹੀ।
ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਪੀੜਤ ਦਾ ਬਚਾਅ ਕੀਤਾ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਸ਼ੱਕੀ ਨੂੰ ਘਟਨਾ ਤੋਂ ਕਰੀਬ 40 ਮਿੰਟ ਬਾਅਦ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਹਮਲਾਵਰ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਪਰ ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਕੋਕਟਲਮ ਵਾਸੀ ਸੀ ਅਤੇ ਉਸ ਦੀ ਉਮਰ 26 ਸਾਲ ਸੀ।
