ਅਹਿਮ ਫੈਡਰਲ ਜ਼ਿੰਮੇਵਾਰੀ ਚੁੱਕਣ ਲਈ ਸਾਊਥ ਸਰੀ ਦੀ ਐਮ.ਐਲ.ਏ. ਨੇ ਦਿੱਤਾ ਅਸਤੀਫਾ

ਸਾਊਥ ਸਰੀ ਐਮ.ਐਲ.ਏ. ਸਟੈਫਨੀ ਕੈਡੁਕਸ ਨੇ ਅਸਤੀਫੇ ਦਾ ਐਲਾਨ ਕਰ ਦਿੱਤਾ ਹੈ।

ਉਨ੍ਹਾਂ ਕਿਹਾ ਕਿ ਇਸ ਮਹੀਨੇ ਦੇ ਅੰਤ ਤੋਂ ਇਹ ਅਸਤੀਫਾ ਪ੍ਰਭਾਵੀ ਹੋ ਜਾਵੇਗਾ।

ਇਹ ਅਸਤੀਫਾ ਉਸ ਸਮੇਂ ਦਿੱਤਾ ਗਿਆ ਹੈ ਜਦ ਉਨ੍ਹਾਂ ਨੂੰ ਕੈਨੇਡਾ ਦੀ ਪਹਿਲੀ ਚੀਫ਼ ਐਕਸੈਸਿਬਿਲਿਟੀ ਅਫ਼ਸਰ ਥਾਪਿਆ ਜਾ ਰਿਹਾ ਹੈ।

ਸਰੀ-ਪੈਨੋਰਾਮਾ ਦੀ ਰਾਈਡਿੰਗ ਤੋਂ ਸਾਲ 2009 ਦੇ ਵਿੱਚ ਪਹਿਲੀ ਵਾਰ ਉਨ੍ਹਾਂ ਦੀ ਚੋਣ ਹੋਈ ਸੀ।

ਆਪਣੇ ਅਸਤੀਫੇ 'ਚ ਉਨ੍ਹਾਂ ਦੱਸਿਆ ਕਿ ਉਹ ਸਰੀ-ਪੈਨੋਰਾਮਾ ਅਤੇ ਸਰੀ-ਕਲੋਵਰਡੇਲ ਦੀ ਰਾਈਡਿੰਗ ਦੇ ਕੌਂਸਟੀਟੁਐਂਟਸ ਦੀ 13 ਸਾਲ ਤੋਂ ਵੱਧ ਸਮੇਂ ਤੋਂ ਨੁਮਾਇੰਦਗੀ ਕਰਨ 'ਤੇ ਬੇਹੱਦ ਮਾਣ ਮਹਿਸੂਸ ਕਰਦੀ ਹਨ।

ਉਨ੍ਹਾਂ ਕਿਹਾ ਕਿ ਮਾਣ ਸਿਰਫ ਇਸ ਗੱਲ ਦਾ ਨਹੀਂ ਹੈ ਕਿ ਉਹ ਸਰਕਾਰ 'ਚ ਐਮ.ਐਲ.ਏ. ਦੀ ਭੂਮਿਕਾ 'ਚ ਸਨ ਬਲਕਿ ਮਾਣ ਇਸ ਦਾ ਵੀ ਹੈ ਕਿ ਉਹ ਸੂਬੇ ਦੀ ਨੁਮਾਇੰਦਗੀ ਇੱਕ ਕੈਬਿਨੇਟ ਦੀ ਮੈਂਬਰ ਵਜੋਂ ਕਰ ਸਕੀ।

ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਉਹ ਲੈਜਿਸਲੇਚਰ ਅਤੇ ਐਗਜੀਕਿਊਟਿਵ ਕਾਉਂਸਿਲ 'ਚ ਜਾਣ ਵਾਲੀ ਡਿਸਐਬਿਲਿਟੀ ਵਾਲੀ ਪਹਿਲੀ ਔਰਤ ਸਨ।

49 ਸਾਲਾ ਸਟੈਫਨੀ ਕੈਡੁਕਸ ਨੇ 18 ਸਾਲ ਦੀ ਉਮਰ 'ਚ ਇੱਕ ਕਾਰ ਕਰੈਸ਼ 'ਚ ਜਖਮੀ ਹੋਣ ਤੋਂ ਬਾਅਦ ਤੋਂ ਹਮੇਸ਼ਾ ਵਹੀਲਚੇਅਰ ਦੀ ਵਰਤੋਂ ਕੀਤੀ ਹੈ।

ਸਟੈਫਨੀ ਕੈਡੁਕਸ ਦਾ ਟਵੀਟ:

Beyond honoured to take on this exciting new role as

@Canada

's first ever Chief Accessibility Officer. Thank you to my amazing friends and colleagues with the

@BCLiberalCaucus

who have always supported me and helped me fight for PWD and increased #accessibility.