20.35C Vancouver 20.35C VancouverJan 12, 2022 10:48 PM - The Canadian Press
ਸਰੀ 'ਚ ਵਾਪਰੀ ਗੋਲੀ ਚੱਲਣ ਦੀ ਵਾਰਦਾਤ 'ਚ ਮਾਰੇ ਗਏ ਵਿਅਕਤੀ ਦੀ ਪਛਾਣ ਹੋ ਗਈ ਹੈ।
ਘਟਨਾ 9 ਜਨਵਰੀ ਨੂੰ ਵਾਪਰੀ ਸੀ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦਾ ਕਹਿਣਾ ਹੈ ਕਿ ਘਟਨਾ 'ਚ ਮਾਰੇ ਗਏ ਵਿਅਕਤੀ ਦੀ ਉਮਰ 62 ਸਾਲ ਸੀ ਅਤੇ ਉਸ ਦਾ ਨਾਮ ਬ੍ਰਾਇਨ ਚੈਪਮੈਨ ਦੱਸਿਆ ਗਿਆ ਹੈ।
ਇਹ ਵਿਅਕਤੀ 85 ਐਵੀਨਿਊ ਦੇ 13500 block 'ਚ ਇੱਕ ਘਰ 'ਚ ਮ੍ਰਿਤ ਮਿਲਿਆ ਸੀ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਪੁਲਿਸ ਨੂੰ ਘਟਨਾ ਦੀ ਜਗ੍ਹਾ 'ਤੇ ਸ਼ਾਮ ਕਰੀਬ 6 ਵਜੇ ਸੱਦਿਆ ਗਿਆ ਸੀ ਪਰ ਮੰਨਿਆ ਜਾ ਰਿਹਾ ਹੈ ਕਿ ਗੋਲੀ ਸਵੇਰੇ ਕਰੀਬ 7 ਵਜੇ ਚੱਲੀ ਹੋ ਸਕਦੀ ਹੈ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਬ੍ਰਾਇਨ ਚੈਪਮੈਨ ਦਾ ਪਹਿਲਾਂ ਦਾ ਪੁਲਿਸ ਰਿਕਾਰਡ ਰਿਹਾ ਹੈ ਪਰ ਸਾਲ 2010 ਤੋਂ ਬਾਅਦ ਤੋਂ ਉਸ ਦੀ ਕੋਈ ਪੁਲਿਸ ਹਿਸਟਰੀ ਨਹੀਂ ਰਹੀ ਹੈ।
ਆਈ.ਹਿਟ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ ਪਰ ਫਿਲਹਾਲ ਮੰਨਿਆ ਜਾ ਰਿਹਾ ਹੈ ਕਿ ਮਾਮਲਾ ਟਾਰਗੈਟਿਡ ਸ਼ੂਟਿੰਗ ਦਾ ਸੀ।
ਹਾਲਾਂਕਿ ਇਸ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਜੁੜਿਆ ਮਾਮਲਾ ਨਹੀਂ ਮੰਨਿਆ ਜਾ ਰਿਹਾ।
