15.22C Vancouver 15.22C VancouverMar 19, 2021 8:39 PM -
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਕ੍ਰਿਪਟੋਕਰੰਸੀ ਧੋਖਾਧੜੀਆਂ ਕਾਰਨ ਬੀਤੇ ਸਿਰਫ਼ ਇੱਕ ਹਫ਼ਤੇ ਵਿਚਾਲੇ ਹੀ ਪੀੜਤਾਂ ਨੇ 2 ਮਿਲੀਅਨ ਡਾਲਰ ਦਾ ਨੁਕਸਾਨ ਝੱਲਿਆ ਹੈ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਪ੍ਰਕਾਰ ਦੇ ਠੱਗੀ ਦੇ ਮਾਮਲੇ ਆਮ ਵਾਪਰਨ ਲੱਗੇ ਹਨ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਘਟੋ-ਘੱਟ 4 ਅਜਿਹੇ ਤਾਜ਼ਾ ਮਾਮਲਿਆਂ ਦੀ ਜਾਣਕਾਰੀ ਹੈ ਜਿੱਥੇ ਵੱਡੀ ਗਿਣਤੀ 'ਚ ਪੈਸੇ ਦਾ ਨੁਕਸਾਨ ਹੋਇਆ ਹੈ।
ਉਨ੍ਹਾਂ ਦੱਸਿਆ ਕਿ ਬੀਤੇ ਸਾਲ ਦੀ ਇੱਕ ਘਟਨਾ ਦੌਰਾਨ ਇੱਕ ਇਕੱਲੇ ਪੀੜਤ ਨੂੰ ਹੀ 500,000 ਡਾਲਰ ਦਾ ਨੁਕਸਾਨ ਝੱਲਣਾ ਪਿਆ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਠੱਗੀ ਮਾਰਨ ਵਾਲਿਆਂ ਨੇ ਖੁਦ ਨੂੰ ਸਰਵਿਸ ਕੈਨੇਡਾ ਦੇ ਕਰਮਚਾਰੀ ਦੱਸਿਆ ਸੀ।
ਉਨ੍ਹਾਂ ਇਹ ਵੀ ਦੱਸਿਆ ਕਿ, ਵਧੇਰੇ ਪੀੜਤ ਈਸਟ ਏਸ਼ਿਆਈ ਮੂਲ ਦੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਭਾਸ਼ਾ ਦਾ ਸੀਮਤ ਹੋਣਾ ਅਤੇ ਅਧਿਕਾਰੀਆਂ ਦਾ ਡਰ ਵੀ ਅਜਿਹੇ ਠੱਗੀ ਦੇ ਮਾਮਲਿਆਂ 'ਚ ਇੱਕ ਵਜ੍ਹਾ ਹੋ ਸਕਦੀ ਹੈ।
ਯਾਦ ਰਹੇ ਕ੍ਰਿਪਟੋਕਰੰਸੀ ਇੱਕ ਡਿਜੀਟਲ ਜਾਂ ਵਰਚੁਅਲ ਕਰੰਸੀ ਹੈ ਜੋ ਕਿ ਕੈਸ਼ ਦਾ ਔਨਲਾਈਨ ਵਰਜ਼ਨ ਮੰਨੀ ਜਾਂਦੀ ਹੈ।
ਅਜਿਹੇ ਮਾਮਲਿਆਂ 'ਚ ਜਾਂਚ ਕਰਨਾ ਚੁਣੌਤੀਆਂ ਨਾਲ ਭਰਿਆ ਹੁੰਦਾ ਹੈ।
ਵੈਨਕੂਵਰ ਪੁਲਿਸ ਦਾ ਟਵੀਟ:
#VPDNews: Vancouver Police are warning the public about a surge in cryptocurrency scams after local victims lost close to $2 million over a one week period alone. http://ow.ly/f9hW50E3rfZ
