15.73C Vancouver 15.73C VancouverMay 3, 2022 1:12 AM - The Canadian Press
ਵਿਕਟੋਰੀਆ ਪੁਲਿਸ ਨੇ 2 ਪੋਟੈਨਸ਼ੀਅਲ ਵਿਟਨੈਸਿਸ ਦੀ ਸਰਵੇਲੈਂਸ ਤਸਵੀਰ ਜਾਰੀ ਕੀਤੀ ਹੈ।
ਮਾਮਲਾ ਬੀਤੇ ਮਹੀਨੇ ਇੱਕ ਧਾਰਮਿਕ ਲੀਡਰ ਦੇ ਘਰ 'ਤੇ ਜਾਣਬੁੱਝ ਕੇ ਅੱਗ ਲਗਾਉਣ ਨਾਲ ਸੰਬੰਧਤ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਘਰ 'ਚ ਮੌਜੂਦ ਇੱਕ ਵਿਅਕਤੀ ਨੂੰ ਜਾਨਲੇਵਾ ਸਾਬਿਤ ਹੋ ਸਕਦੇ ਜਖਮ ਹੋਏ ਸਨ।
ਮਾਮਲਾ 20 ਅਪ੍ਰੈਲ ਦਾ ਹੈ।
ਘਰ ਵਿੱਚ ਮੌਜੂਦ 4 ਹੋਰ ਲੋਕ ਸਮਾਂ ਰਹਿੰਦੇ ਬਾਹਰ ਨਿਕਲਣ 'ਚ ਕਾਮਯਾਬ ਰਹੇ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਜਿਹੜੇ ਲੋਕਾਂ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ ਉਨ੍ਹਾਂ ਵਿੱਚੋਂ ਕੋਈ ਵੀ ਇਸ ਘਟਨਾ 'ਚ ਸ਼ੱਕੀ ਨਹੀਂ ਮੰਨਿਆ ਜਾ ਰਿਹਾ।
ਯੁਕ੍ਰੇਨੀਅਨ ਕਨੇਡੀਅਨ ਕਾਂਗਰਸ ਦਾ ਕਹਿਣਾ ਹੈ ਕਿ ਘਰ ਦੇ ਮੇਲ ਸਲੌਟ ਵਿੱਚੋਂ ਗੈਸੋਲੀਨ ਛਿੜਕੀ ਗਈ ਸੀ।
ਇਹ ਘਰ ਸੇਂਟ ਨਿਕੋਲਸ ਯੁਕ੍ਰੇਨੀਅਨ ਕੈਥੋਲਿਕ ਚਰਚ ਦੇ ਪੈਸਟਰ ਦਾ ਦੱਸਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਰੂਸ ਦੇ ਹਮਲੇ ਵਿਚਾਲੇ ਉਨ੍ਹਾਂ ਖੁੱਲ੍ਹ ਕੇ ਯੂਕਰੇਨ ਦੇ ਪੱਖ 'ਚ ਆਵਾਜ਼ ਬੁਲੰਦ ਕੀਤੀ ਹੈ।
