13.14C Vancouver 13.14C VancouverApr 2, 2021 6:24 PM -
ਵਿਕਟੋਰੀਆ 'ਚ ਪੁਲਿਸ ਇੱਕ ਔਰਤ ਦੀ ਭਾਲ ਕਰ ਰਹੀ ਹੈ ਤੇ ਇਸ ਔਰਤ ਦੀ ਉਮਰ 20 ਤੋਂ 30 ਸਾਲ ਦੇ ਦਰਮਿਆਨ ਦੀ ਦੱਸੀ ਗਈ ਹੈ।
ਕਥਿਤ ਤੌਰ 'ਤੇ ਇਸ ਔਰਤ ਨੇ ਹੱਥ 'ਚ ਚਾਕੂ ਫੜ੍ਹ ਕੇ ਇੱਕ ਸਿਕਿਉਰਿਟੀ ਗਾਰਡ ਦਾ ਪਿੱਛਾ ਕੀਤਾ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲਾ ਵੀਰਵਾਰ ਦੁਪਹਿਰ ਦੇ ਸਮੇਂ ਵਾਪਰਿਆ ਸੀ ਅਤੇ ਇੱਕ ਸਿਕਿਉਰਿਟੀ ਗਾਰਡ ਨੇ ਇੱਕ ਜੋੜੇ ਤਕ ਪਹੁੰਚ ਕੀਤੀ ਸੀ।
ਦੱਸਿਆ ਗਿਆ ਕਿ ਪਹੁੰਚ ਇਸ ਕਰਕੇ ਕੀਤੀ ਸੀ ਕਿਉਂਕਿ ਦੋਵੇਂ ਉੱਚੀ ਆਵਾਜ਼ 'ਚ ਬਹਿਸ ਕਰ ਰਹੇ ਸਨ।
ਜਦੋਂ ਗਾਰਡ ਨੇ ਦੋਵਾਂ ਨੂੰ ਜਾਣ ਨੂੰ ਕਿਹਾ ਤਾਂ ਇਸ ਮੌਕੇ ਕਥਿਤ ਤੌਰ 'ਤੇ ਔਰਤ ਨੇ ਚਾਕੂ ਕੱਢ ਲਿਆ ਤੇ ਉਸ ਨੇ ਗਾਰਡ ਦਾ ਪਿੱਛਾ ਕੀਤਾ।
ਇਸ ਤੋਂ ਮਗਰੋਂ ਗਾਰਡ ਨੂੰ ਕੋਈ ਨੁਕਸਾਨ ਪਹੁੰਚਣ ਦੀ ਖਬਰ ਰਿਪੋਰਟ ਨਹੀਂ ਹੋਈ ਹੈ, ਪਰ ਦੱਸਿਆ ਜਾ ਰਿਹਾ ਹੈ ਕਿ ਇਹ ਜੋੜਾ ਬਾਅਦ 'ਚ ਮੌਕੇ ਤੋਂ ਇਕੱਠਿਆਂ ਨਿਕਲ ਗਿਆ ਸੀ।
ਹਾਲਾਂਕਿ ਸ਼ੁੱਕਰਵਾਰ ਨੂੰ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਪੁਲਿਸ ਦਾ ਕਹਿਣਾ ਹੈ ਕਿ ਔਰਤ ਦੀ ਪਛਾਣ ਕਰ ਲਈ ਗਈ ਹੈ।
