ਖੁੱਲ੍ਹੇ ਦਿਲ ਵਾਲਿਆਂ ਦੀ ਸੂਚੀ ਵਿਚ ਵਿਕਟੋਰੀਆ ਦਾ ਨਾਮ ਸਭ ਤੋਂ ਉਪਰ

ਬੀ. ਸੀ. ਦੀ ਰਾਜਧਾਨੀ ਵਿਕਟੋਰੀਆ ਗੋ ਫੰਡ ਮੀ ਦੀ ਲਿਸਟ ਵਿਚ ਕੈਨੇਡਾ ਦੇ ਸਭ ਤੋਂ ਵੱਧ ਖੁੱਲ੍ਹੇ ਦਿਲ ਵਾਲੇ ਸ਼ਹਿਰਾਂ ਵਿਚ ਟੌਪ ’ਤੇ ਚੁਣੀ ਗਈ ਹੈ। ਇਹ ਲਗਾਤਾਰ ਦੂਜਾ ਸਾਲ ਹੈ ਜਦੋਂ ਰਾਜਧਾਨੀ ਵਿਕਟੋਰੀਆ ਨੂੰ ਇਹ ਮਾਣ ਮਿਲਿਆ ਹੈ।

ਗੋ ਫੰਡ ਮੁਤਾਬਕ, ਕਰੀਬ 92,000 ਦੀ ਆਬਾਦੀ ਵਾਲੇ ਇਸ ਸ਼ਹਿਰ ਤੋਂ 2024 ਵਿਚ 19,500 ਤੋਂ ਵੱਧ ਦਾਨੀਆਂ ਨੇ ਯੋਗਦਾਨ ਕੀਤਾ। ਇਸ ਰੈਂਕਿੰਗ ਵਿਚ ਉੱਤਰੀ ਵੈਨਕੂਵਰ ਦੂਜੇ ਸਥਾਨ ’ਤੇ ਰਿਹਾ, ਉਸ ਤੋਂ ਬਾਅਦ ਨਿਊਫਾਊਂਡਲੈਂਡ ਦਾ ਸ਼ਹਿਰ ਸੇਂਟ ਜਾਨਸ, ਫਿਰ ਵੈਨਕੂਵਰ ਅਤੇ ਉਸ ਤੋਂ ਮਗਰੋਂ ਓਨਟਾਰੀਓ ਦੇ ਟਾਊਨ ਮਿਲਟਨ ਦਾ ਸਥਾਨ ਰਿਹਾ।

ਕੈਨੇਡੀਅਨ ਚੈਰਿਟੀਜ਼ ਨੂੰ ਦਾਨ ਦੇਣ ਦੇ ਮਾਮਲੇ ਵਿਚ ਵੀ ਵਿਕਟੋਰੀਆ ਦਾ ਨਾਂ ਮੋਹਰੀਆਂ ਵਿਚ ਆਉਂਦਾ ਹੈ। ਕੈਨੇਡਾ ਹੈਲਪ ਨੇ ਇਸ ਨੂੰ ਪੰਜਵਾਂ ਸਥਾਨ ਦਿੱਤਾ ਹੈ। ਕੈਨੇਡਾ ਹੈਲਪ ਦਾਨ ਦੇਣ ਤੇ ਫੰਡ ਜੁਟਾਉਣ ਲਈ ਦੇਸ਼ ਦਾ ਸਭ ਤੋਂ ਵੱਡਾ ਆਨਲਾਈਨ ਪਲੇਟਫਾਰਮ ਹੈ।