ਏਅਰ ਇੰਡੀਆ ਜਹਾਜ਼ ਹਾਦਸੇ ਵਿਚ ਵਿਜੇ ਰੂਪਾਣੀ ਦਾ ਹੋਇਆ ਦਿਹਾਂਤ

ਏਅਰ ਇੰਡੀਆ ਜਹਾਜ਼ ਹਾਦਸੇ ਵਿਚ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਤੇ ਭਾਜਪਾ ਦੇ ਪੰਜਾਬ ਮਾਮਲਿਆਂ ਦੇ ਇੰਚਾਰਜ ਵਿਜੇ ਰੂਪਾਣੀ ਦਾ ਦਿਹਾਂਤ ਹੋ ਗਿਆ। ਉਹ 68 ਸਾਲ ਦੇ ਸਨ। ਭਾਰਤ ਦੇ ਜਲ ਸ਼ਕਤੀ ਮੰਤਰੀ ਅਤੇ ਗੁਜਰਾਤ ਭਾਜਪਾ ਪ੍ਰਧਾਨ ਸੀ. ਆਰ. ਪਾਟਿਲ ਨੇ ਵੀਰਵਾਰ ਸ਼ਾਮ ਨੂੰ ਇਹ ਜਾਣਕਾਰੀ ਦਿੱਤੀ। ਏਅਰ ਇੰਡੀਆ ਨੇ ਕਿਹਾ ਕਿ ਜਹਾਜ਼ ਨੇ ਲੰਡਨ ਦੇ ਗੈਟਵਿਕ ਏਅਰ ਪੋਰਟ ਲਈ ਰਨਵੇ ਤੋਂ ਉਡਾਣ ਭਰੀ ਹੀ ਸੀ, ਜਦੋਂ ਇਹ ਹਵਾਈ ਅੱਡੇ ਦੇ ਨੇੜੇ ਰਿਹਾਇਸ਼ੀ ਖੇਤਰ ਵਿਚ ਹਾਦਸਾਗ੍ਰਸਤ ਹੋ ਗਿਆ।

ਰਿਪੋਰਟਸ ਮੁਤਾਬਕ, ਰੂਪਾਣੀ ਆਪਣੀ ਧੀ ਨੂੰ ਮਿਲਣ ਲਈ ਲੰਡਨ ਜਾ ਰਹੇ ਸਨ। ਹਾਦਸੇ ਵਿਚ ਮਾਰੇ ਗਏ ਕਈ ਲੋਕਾਂ ਦੀਆਂ ਲਾਸ਼ਾਂ ਬੁਰੀ ਤਰ੍ਹਾਂ ਝੁਲਸੀਆਂ ਮਿਲੀਆਂ ਹਨ। ਯਾਤਰੀਆਂ ਵਿਚ ਖੁਸ਼ਬੂ ਰਾਜਪੁਰੋਹਿਤ ਨਾਂ ਦੀ ਇੱਕ ਨਵੀਂ ਵਿਆਹੀ ਲੜਕੀ ਸੀ ਜੋ ਆਪਣੇ ਪਤੀ ਨੂੰ ਮਿਲਣ ਲੰਡਨ ਜਾ ਰਹੀ ਸੀ।

ਰਾਜਸਥਾਨ ਦੇ ਬਲੋਤਰਾ ਜ਼ਿਲ੍ਹੇ ਦੀ ਰਹਿਣ ਵਾਲੀ ਖੁਸ਼ਬੂ ਦਾ ਵਿਆਹ ਇਸ ਸਾਲ ਜਨਵਰੀ ਵਿਚ ਮਨਫੂਲ ਸਿੰਘ ਨਾਲ ਹੋਇਆ ਸੀ। ਉਹ ਵਿਆਹ ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਪਤਨੀ ਨੂੰ ਲੰਡਨ ਵਿਚ ਮਿਲਣ ਵਾਲੀ ਸੀ।