27.77C Vancouver 27.77C VancouverJul 10, 2020 3:21 AM -
ਨਾਮੀ ਅਪਰਾਧੀ ਵਿਕਾਸ ਦੂਬੇ ਨੂੰ ਕਾਨਪੁਰ ਦੇ ਕੋਲ ਪੁਲਿਸ ਦੀ ਗ੍ਰਿਫਤ ਤੋਂ ਭੱਜਣ ਦੀ ਕੋਸ਼ਿਸ਼ ਦੌਰਾਨ ਐਨਕਾਊਂਟਰ 'ਚ ਮਾਰ ਦਿੱਤਾ ਗਿਆ ਹੈ।
ਉਹ ਪੁਲਿਸ ਦੀ ਗ੍ਰਿਫਤ ਤੋਂ ਉਸ ਵੇਲੇ ਭੱਜਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਜਦ ਉੱਤਰ ਪ੍ਰਦੇਸ਼ ਦੀ ਸਪੈਸ਼ਲ ਟਾਸਕ ਫੋਰਸ (ਐਸ.ਟੀ.ਐਫ.) ਦੀ ਵੈਨ, ਜਿਸ ਵਿੱਚ ਉਸ ਨੂੰ ਕਾਨਪੁਰ ਲਿਆਂਦਾ ਜਾ ਰਿਹਾ ਸੀ, ਉਹ ਹਾਦਸੇ ਦਾ ਸ਼ਿਕਾਰ ਹੋ ਕੇ ਪਲਟ ਗਈ ਸੀ।
ਇਸੇ ਦੌਰਾਨ ਉਸ ਨੇ ਮੌਕੇ ਤੋਂ ਫ਼ਰਾਰ ਹੋਣ ਦੀ ਕੋਸ਼ਿਸ਼ ਕੀਤੀ, ਤਾਂ ਪੁਲਿਸ ਨੇ ਉਸ ਨੂੰ ਗੋਲੀ ਮਾਰ ਦਿੱਤੀ ਗਈ।
ਵਿਕਾਸ ਦੁਬੇ ਨੂੰ ਸ਼ੁੱਕਰਵਾਰ ਨੂੰ ਉਜੈਨ 'ਚ ਉਸ ਵੇਲੇ ਗ੍ਰਿਫਤਾਰ ਕੀਤਾ ਗਿਆ ਸੀ ਜਦ ਉਹ ਇੱਕ ਮੰਦਿਰ 'ਚ ਪਹੁੰਚਿਆ ਸੀ। ਉਸ ਨੂੰ ਇੱਕ ਗਾਰਡ ਨੇ ਪਛਾਣ ਲਿਆ ਸੀ ਅਤੇ ਬਾਅਦ ਵਿੱਚ ਉਸ ਨੂੰ ਪੁਲਿਸ ਨੇ ਆ ਕੇ ਕਾਬੂ ਕੀਤਾ ਸੀ।
ਪੁਲਿਸ ਦੇ ਵਾਹਨ ਕੋਲ ਖੜਾ ਵਿਕਾਸ ਦੂਬੇ ਉੱਚੀ ਆਵਾਜ਼ 'ਚ ਕਹਿੰਦਾ ਸੁਣਾਈ ਦਿੱਤਾ ਸੀ ਕਿ ਉਹ ਕਾਨਪੁਰ ਵਾਲਾ ਵਿਕਾਸ ਦੂਬੇ ਹੈ।
ਇਹ ਅਪਰਾਧੀ 6 ਦਿਨ ਤੋਂ ਫਰਾਰ ਚੱਲ ਰਿਹਾ ਸੀ।
ਉਹ ਚੌਬੇਪੁਰ ਦੇ ਕੋਲ ਬਿਕਰੂ ਪਿੰਡ 'ਚ ਹੋਏ ਐਨਕਾਊਂਟਰ ਦੌਰਾਨ ਮਾਰੇ ਗਏ 8 ਪੁਲਿਸ ਵਾਲਿਆਂ ਦੇ ਮਾਮਲੇ 'ਚ ਮੁੱਖ ਦੋਸ਼ੀ ਸੀ।
ਇਹ ਘਟਨਾ ਉਸ ਵੇਲੇ ਵਾਪਰੀ ਸੀ ਜਦ ਵਿਕਾਸ ਦੂਬੇ ਨੂੰ ਕਾਬੂ ਕਰਨ ਗਏ ਪੁਲਿਸ ਵਾਲਿਆਂ ਦੀ ਟੀਮ 'ਤੇ ਉਸ ਨੇ ਸਾਥੀਆਂ ਨਾਲ ਮਿਲ ਕੇ ਅੰਨ੍ਹੇਵਾਹ ਫਾਇਰਿੰਗ ਕਰ ਦਿੱਤੀ ਸੀ।
ਦੂਬੇ ਘਟਨਾ ਤੋਂ ਬਾਅਦ ਫਰਾਰ ਹੋ ਗਿਆ ਸੀ ਅਤੇ ਬਾਅਦ ਵਿੱਚ ਉਸ 'ਤੇ 5 ਲੱਖ ਰੁਪਏ ਦਾ ਇਨਾਮ ਵੀ ਐਲਾਨਿਆ ਗਿਆ ਸੀ।
