12.22C Vancouver 12.22C VancouverSep 7, 2023 7:05 PM - Connect News
ਵੈਨਕਵੂਰ ਦੇ ਬਾਈਲਾਅ ਅਫਸਰ ਪਾਣੀ ਦੀਆਂ ਪਾਬੰਦੀਆਂ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ਨੂੰ ਜੁਰਮਾਨੇ ਕਰ ਰਹੇ ਹਨ।
ਸਿਟੀ ਦੇ ਅਨੁਸਾਰ 3 ਸਤੰਬਰ ਤੱਕ ਅਧਿਕਾਰੀਆਂ ਨੇ 152 ਟਿਕਟਾਂ ਦਿੱਤੀਆਂ ਹਨ।
ਦਰਅਸਲ 4 ਅਗਸਤ ਤੋਂ ਵੈਨਕੂਵਰ ਰੀਜਨ ਪਾਣੀ ਸਬੰਧੀ ਪਾਬੰਦੀਆਂ ਦੀ ਸਟੇਜ-2 ਵਿੱਚ ਦਾਖ਼ਲ ਹੋ ਗਿਆ ਸੀ।
ਜਿਸ ਵਿੱਚ ਇਹ ਹਦਾਇਤਾਂ ਦਿੱਤੀਆਂ ਗਈਆਂ ਸਨ ਕਿ ਰੈਜ਼ੀਡੈਂਟਸ ਆਪਣੇ ਵਿਹੜਿਆਂ ਵਿਚ ਲੱਗੇ ਘਾਹ ਨੂੰ ਪਾਣੀ ਨਹੀਂ ਦੇ ਸਕਣਗੇ ਕਿਉਂਕਿ ਰੀਜਨ ਨੇ ਪੀਣ ਵਾਲੇ ਪਾਣੀ ਨੂੰ ਬਣਾਉਣ ਲਈ ਪਾਣੀ ਦੀ ਵਰਤੋਂ ‘ਤੇ ਕੁਝ ਪਾਬੰਦੀਆਂ ਲਗਾ ਦਿੱਤੀਆਂ ਸਨ।
ਉਲੰਘਣਾ ਕਰਨ ਵਾਲੇ ਨੂੰ 500 ਡਾਲਰ ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
ਪਰ ਫਿਰ ਵੀ ਕੁੱਝ ਲੋਕਾਂ ਨੇ ਪਾਣੀ ਦੀਆਂ ਪਾਬੰਦੀਆਂ ਦੀ ਉਲੰਘਣਾ ਕੀਤੀ ਹੈ।
ਸਿਟੀ ਦੇ ਅਨੁਸਾਰ ਕੁੱਲ ਮਿਲਾ ਕੇ 1 ਮਈ ਤੋਂ 3 ਸਤੰਬਰ ਤੱਕ 732 ਚੇਤਾਵਨੀਆਂ ਤੋਂ ਇਲਾਵਾ 496 ਟਿਕਟਾਂ ਜਾਰੀ ਕੀਤੀਆਂ ਗਈਆਂ ਸਨ।
ਇਹਨਾਂ ਚੇਤਾਵਨੀਆਂ ਵਿੱਚੋਂ 527 ਸਟੇਜ-1 ਦੀ ਉਲੰਘਣਾ ਲਈ ਜੋ 4 ਅਗਸਤ ਤੋਂ ਪਹਿਲਾਂ ਸਨ, ਜਦਕਿ 205 ਸਟੇਜ-2 ਦੀ ਉਲੰਘਣਾ ਲਈ ਜੋ 4 ਅਗਸਤ ਤੋਂ ਬਾਅਦ ਜਾਰੀ ਹੋਈਆਂ ਹਨ।
ਐਮਰਜੈਂਸੀ ਮੈਨੇਜਮੈਂਟ ਮੰਤਰੀ ਬੋਇਨ ਮਾ ਦਾ ਕਹਿਣਾ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਇਸ ਸਮੇਂ ਸੋਕੇ ਦਾ ਸਾਹਮਣਾ ਕਰ ਰਿਹਾ ਹੈ, ਜਿਸ ਕਰਕੇ ਇਹ ਫੈਸਲਾ ਕੀਤਾ ਗਿਆ ਸੀ।
ਜ਼ਿਕਰਯੋਗ ਹੈ ਕਿ ਸਟੇਜ-2 ਦੇ ਤਹਿਤ ਰੈਜ਼ੀਡੈਂਟਸ ਨੂੰ ਆਪਣੇ ਲਾਅਨ 'ਚ ਪਾਣੀ ਲਾਉਣ ਲਈ ਪਾਣੀ ਛਿੜਕਣ ਵਾਲੇ ਸਪਰਿੰਕਲਰ, ਘਰਾਂ ਵਿੱਚ ਸਵੇਰੇ 5 ਤੋਂ ਸਵੇਰੇ 9 ਵਜੇ ਤੱਕ ਅਤੇ ਨੌਨ ਰੈਜ਼ੀਡੈਨਸ਼ਲ ਪ੍ਰੌਪਰਟੀਜ਼ ‘ਤੇ ਸਵੇਰੇ 4 ਵਜੇ ਤੋਂ ਸਵੇਰੇ 9 ਵਜੇ ਤੱਕ ਵਰਤੇ ਜਾ ਸਕਣਗੇ।
