17.27C Vancouver 17.27C VancouverJul 5, 2022 8:20 PM - The Canadian Press
ਬੀ.ਸੀ. 'ਚ ਇੱਕ ਟ੍ਰਾਂਜ਼ਿਟ ਬੱਸ ਅਤੇ ਇੱਕ ਕਰੂਜ਼ਰ ਵੈਨ ਵਿਚਾਲੇ ਵਾਪਰੇ ਕਰੈਸ਼ 'ਚ ਜਖਮੀ ਹੋਈ ਕਿਊਬੈਕ ਦੀ ਵਿਦਿਆਰਥਣ ਬਾਰੇ ਬੇਹੱਦ ਦੁਖਦਾਇਕ ਜਾਣਕਾਰੀ ਸਾਹਮਣੇ ਆਈ ਹੈ।
ਵਿਦਿਆਰਥਣ ਨੇ ਦਮ ਤੋੜ ਦਿੱਤਾ ਹੈ।
ਘਟਨਾ ਕੈਸਲਗਾਰ ਕੋਲ ਵਾਪਰੀ ਸੀ।
ਬੀ.ਸੀ. ਹਾਈਵੇਅ ਪੈਟਰੋਲ ਅਨੁਸਾਰ ਬੀਤੇ ਵੀਰਵਾਰ ਸ਼ਾਮ ਕਰੀਬ 4.30 ਵਜੇ ਹਾਈਵੇਅ 3ਏ ਕੋਲ ਇੱਕ ਪਿਉਰਲੇਟਰ ਵੈਨ ਅਤੇ ਇੱਕ ਬੀ.ਸੀ. ਟ੍ਰਾਂਜ਼ਿਟ ਬੱਸ ਦੀ ਟੱਕਰ ਹੋ ਗਈ ਸੀ।
ਇਸ ਘਟਨਾ 'ਚ ਬੱਸ ਵਿੱਚ ਸਵਾਰ ਇੱਕ 18 ਸਾਲਾ ਵਿਦਿਆਰਥਣ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਜਾਣਕਾਰੀ ਅਨੁਸਾਰ ਘਟਨਾ ਮੌਕੇ ਬੱਸ 'ਚ ਕਿਊਬੈਕ ਦੇ 15 ਹੋਰ ਵਿਦਿਆਰਥੀ ਸਵਾਰ ਸਨ।
ਇਹ ਵਿਦਿਆਰਥੀ ਸੈਲਕਰਕ ਕੌਲਿਜ 'ਚ ਇੱਕ ਪ੍ਰੋਗਰਾਮ 'ਚ ਹਿੱਸਾ ਲੈਣ ਲਈ ਪਹੁੰਚੇ ਸਨ।
ਪੁਲਿਸ ਨੇ ਕੱਲ ਜਾਣਕਾਰੀ ਦਿੱਤੀ ਸੀ ਕਿ ਵਿਦਿਆਰਥਣ ਨੂੰ ਲਾਈਫ ਸੱਪੋਰਟ ਸਿਸਟਮ 'ਤੇ ਰੱਖਿਆ ਹੋਇਆ ਸੀ।
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਦੱਸਿਆ ਕਿ ਵਿਦਿਆਰਥਣ ਉਸੇ ਖਿੜਕੀ ਦੇ ਬਰਾਬਰ ਬੈਠੀ ਸੀ ਜਿਸ ਦੇ ਨਾਲ ਵੈਨ ਖਹਿ ਗਈ ਸੀ।
ਵਿਦਿਆਰਥਣ ਨੂੰ ਪਹਿਲਾਂ ਟਰੇਲ ਦੇ ਹਸਪਤਾਲ ਪਹੁੰਚਾਇਆ ਗਿਆ ਸੀ ਅਤੇ ਬਾਅਦ 'ਚ ਉਸ ਨੂੰ ਕੈਲੋਨਾ ਜਨਰਲ ਹਸਪਤਾਲ ਪਹੁੰਚਾਇਆ ਗਿਆ ਸੀ।
