8.93C Vancouver 8.93C VancouverOct 26, 2020 11:27 PM -
ਬੀ.ਸੀ. ਦੀਆਂ ਚੋਣਾਂ 'ਚ ਵੋਟਰ ਟਰਨ-ਆਊਟ ਦੀ ਗਿਣਤੀ ਦਾ ਅਨੁਮਾਨ, 52.4% ਦੱਸਿਆ ਗਿਆ ਹੈ।
ਇਹ ਬੀਤੇ 90 ਸਾਲ 'ਚ ਸਭ ਤੋਂ ਛੋਟਾ ਵੋਟਰ ਟਰਨ-ਆਊਟ ਦੱਸਿਆ ਜਾ ਰਿਹਾ ਹੈ।
ਇਲੈਕਸ਼ਨਸ ਬੀ.ਸੀ. ਦੇ ਅੰਕੜਿਆਂ ਅਨੁਸਾਰ ਇਸ ਤੋਂ ਪਹਿਲਾਂ ਦਾ ਸਭ ਤੋਂ ਛੋਟਾ ਵੋਟਰ ਟਰਨ-ਆਊਟ, ਸਾਲ 1928 ਦਾ ਸੀ, ਅਤੇ 2009 'ਚ 55.14% ਵੋਟ ਪਈ ਸੀ।
ਇਲੈਕਸ਼ਨ ਏਜੈਂਸੀ ਦਾ ਕਹਿਣਾ ਹੈ ਕਿ ਇਸ ਅਨੁਮਾਨ ਦੇ ਵਿੱਚ ਐਡਵਾਂਸ ਪੋਲ ਦੀਆਂ ਵੋਟਾਂ, ਅਤੇ ਚੋਣਾਂ ਦੇ ਦਿਨ ਦੀਆਂ ਵੋਟਾਂ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਐਬਸੈਂਟੀ ਅਤੇ ਮੇਲ-ਇਨ ਬੈਲੇਟਸ ਦਾ ਅਨੁਮਾਨ ਵੀ ਸ਼ਾਮਿਲ ਹੈ।
ਐਡਵਾਂਸ ਪੋਲ ਦੇ ਮੁਕਾਬਲੇ ਚੋਣਾਂ ਦੇ ਦਿਨ ਪੈਣ ਵਾਲੀ ਵੋਟ ਘੱਟ ਸੀ।
ਕਰੀਬ 5,25,000 ਵੋਟਰਾਂ ਨੇ ਮੇਲ-ਇਨ ਬੈਲੇਟਸ ਦੇ ਆਸਰੇ ਵੋਟ ਪਾਈ ਹੈ।
ਇਲੈਕਸ਼ਨਸ ਬੀ.ਸੀ. ਵੱਲੋਂ ਮੇਲ-ਇਨ ਬੈਲੇਟਸ ਦੀ ਗਿਣਤੀ ਲਈ ਕੁਝ ਹਫ਼ਤਿਆਂ ਦਾ ਸਮਾਂ ਲੱਗੇਗਾ।
ਹਾਲਾਂਕਿ ਇਸ ਦੇ ਬਾਵਜੂਦ ਸੂਬੇ 'ਚ ਐਨ.ਡੀ.ਪੀ. ਦੀ ਮੈਜੌਰੀਟੀ ਸਰਕਾਰ 'ਤੇ ਪ੍ਰਭਾਵ ਦੇ ਆਸਾਰ ਨਹੀਂ ਮੰਨੇ ਜਾ ਰਹੇ।
