15.32C Vancouver 15.32C VancouverOct 12, 2021 9:23 PM -
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਹਿਟ ਐਂਡ ਰਨ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ 'ਚ ਇੱਕ ਵਿਅਕਤੀ ਨੂੰ ਗੰਭੀਰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਹੈ।
ਪੀੜਤ ਦੀ ਉਮਰ 30 ਸਾਲ ਦੱਸੀ ਗਈ ਹੈ।
ਘਟਨਾ ਫਰੇਜ਼ਰ ਸਟ੍ਰੀਟ 'ਤੇ ਈਸਟ 41 ਐਵੀਨਿਊ ਦੇ ਕੋਲ ਸਵੇਰੇ ਕਰੀਬ 6.25 ਵਜੇ 'ਤੇ ਵਾਪਰੀ।
ਪੱਛਮ ਦਿਸ਼ਾ 'ਚ ਜਾਂਦੇ ਵਾਹਨ ਨੇ ਇੱਕ ਵਿਅਕਤੀ ਨੂੰ ਠੋਕਰ ਮਾਰ ਦਿੱਤੀ।
ਇਸ ਦੌਰਾਨ ਪੀੜਤ ਨੂੰ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ।
ਵਾਹਨ ਚਾਲਕ ਬਿਨਾ ਰੁਕੇ ਮੌਕੇ ਤੋਂ ਨਿਕਲ ਗਿਆ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਘਟਨਾ 'ਚ ਸ਼ਾਮਿਲ ਗੱਡੀ ਇੱਕ ਕਾਲੇ ਰੰਗ ਦਾ ਪਿਕਅਪ ਟਰੱਕ ਜਾਂ ਐਸ.ਯੂ.ਵੀ. ਵਾਹਨ ਸੀ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
