18.31C Vancouver 18.31C VancouverJun 21, 2022 7:17 PM - Connect News
ਵੈਨਕੂਵਰ 'ਚ ਵਾਪਰੇ ਜਾਨਲੇਵਾ ਹਿਟ ਐਂਡ ਰਨ ਦੇ ਮਾਮਲੇ 'ਚ 2 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ 'ਚ ਇੱਕ 25 ਸਾਲਾ ਯੁਵਕ ਅਤੇ ਉਸ ਦਾ 63 ਸਾਲਾ ਰਿਸ਼ਤੇਦਾਰ ਸ਼ਾਮਿਲ ਹਨ।
ਵੈਨਕੂਵਰ ਪੁਲਿਸ ਅਨੁਸਾਰ ਸੋਮਵਾਰ ਨੂੰ ਸ਼ੱਕੀ ਵਾਹਨ ਚਾਲਕ ਨੂੰ ਉਸ ਦੇ ਘਰ ਤੋਂ ਹਿਰਾਸਤ 'ਚ ਲਿਆ ਗਿਆ।
ਪੁਲਿਸ ਅਨੁਸਾਰ ਲੋਕਾਂ ਤੋਂ ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ ਸ਼ੱਕੀ ਵਾਹਨ ਚਾਲਕ ਤਕ ਪਹੁੰਚ ਹੋ ਸਕੀ।
ਪੁਲਿਸ ਵੱਲੋਂ ਗ੍ਰਿਫਤਾਰ ਕੀਤੇ ਗਏ ਰਿਸ਼ਤੇਦਾਰ ਬਾਰੇ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਉਹ ਇਸ ਘਟਨਾ 'ਚ ਸ਼ੱਕੀ ਵਾਹਨ ਚਾਲਕ ਦਾ ਸਾਥ ਤਾਂ ਨਹੀਂ ਦੇ ਰਿਹਾ ਸੀ।
ਮਾਮਲਾ ਵੈਨਕੂਵਰ ਦੇ ਕਿਟਸੀਲਾਨੋ ਇਲਾਕੇ 'ਚ ਵਾਪਰੇ ਕਰੈਸ਼ ਨਾਲ ਸੰਬੰਧਤ ਹੈ ਜਿਸ ਦੌਰਾਨ ਪੈਦਲ ਜਾਂਦੇ ਇੱਕ 24 ਸਾਲਾ ਯੁਵਕ ਨਾਲ ਇੱਕ ਗੱਡੀ ਦੀ ਟੱਕਰ ਹੋਈ ਸੀ।
ਘਟਨਾ 'ਚ ਯੁਵਕ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਸੀ।
ਘਟਨਾ 'ਚ ਸ਼ਾਮਿਲ ਗੱਡੀ ਮੌਕੇ ਤੋਂ ਨਿਕਲ ਗਈ ਸੀ।
