19.04C Vancouver 19.04C VancouverJun 16, 2021 12:54 AM -
ਵੈਨਕੂਵਰ ਪੁਲਿਸ ਨੇ ਲੋਕਾਂ ਨੂੰ ਜਿਊਲਰੀ ਸੰਬੰਧੀ ਠੱਗੀ ਤੋਂ ਸਾਵਧਾਨ ਕੀਤਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਗਰਮੀ ਦੀ ਰੁੱਤ ਦੇ ਦਸਤਕ ਦੇਣ ਨਾਲ ਅਤੇ ਸੂਬੇ 'ਚ ਪਬੰਦੀਆਂ 'ਚ ਢਿੱਲ ਨਾਲ ਲੋਕਾਂ ਦੀ ਆਵਾਜਾਈ 'ਚ ਵਾਧਾ ਹੋਵੇਗਾ।
ਇਸ ਦੇ ਨਾਲ ਹੀ ਕੁਝ ਠੱਗ ਲੋਕਾਂ ਨੂੰ ਨਿਸ਼ਾਨਾ ਬਣਾਉਣ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ 'ਚ ਵੀ ਤੇਜ਼ੀ ਲਿਆ ਸਕਦੇ ਹਨ।
ਜਿਊਲਰੀ ਸਕੈਮ ਸੰਬੰਧੀ ਸਾਵਧਾਨ ਕਰਦੇ ਹੋਏ ਪੁਲਿਸ ਨੇ 2 ਮਾਮਲਿਆਂ ਦੀ ਜਾਣਕਾਰੀ ਵੀ ਦਿੱਤੀ ਹੈ।
ਇੱਕ ਮਾਮਲੇ 'ਚ ਇੱਕ ਆਦਮੀ ਅਤੇ ਇੱਕ ਔਰਤ ਨੇ 51 ਸਾਲਾ ਵਿਅਕਤੀ ਤਕ ਕਮਰਸ਼ਲ ਡਰਾਈਵ ਅਤੇ ਨੇਪੀਅਰ ਸਟ੍ਰੀਟ ਦੇ ਇਲਾਕੇ 'ਚ ਪਹੁੰਚ ਕੀਤੀ।
ਉਨ੍ਹਾਂ ਇਸ ਵਿਅਕਤੀ ਨੂੰ ਜਿਊਲਰੀ ਖਰੀਦਣ ਦਾ ਲਾਲਚ ਦਿੱਤਾ ਪਰ ਇਹ ਵਿਅਕਤੀ ਸਾਵਧਾਨ ਸੀ ਅਤੇ ਸ਼ੱਕ ਹੋਣ 'ਤੇ ਉਸ ਨੇ ਦੋਵਾਂ ਨੂੰ ਸਵਾਲ ਕੀਤੇ ਜਿਸ ਤੋਂ ਬਾਅਦ ਦੋਵੇਂ ਮੌਕੇ ਤੋਂ ਨਿਕਲ ਗਏ।
ਜਿਹੜੀ ਗੱਡੀ 'ਚ ਇਹ ਲੋਕ ਫਰਾਰ ਹੋਏ ਉਸ ਦਾ ਮੈਨੀਟੋਬਾ ਦਾ ਨੰਬਰ ਸੀ।
ਅਜਿਹੀ ਹੀ ਘਟਨਾ ਇੱਕ 61 ਸਾਲਾ ਵਿਅਕਤੀ ਨਾਲ ਜਾਇਸ ਸਟ੍ਰੀਟ ਅਤੇ ਵਨੈਸ ਐਵੀਨਿਊ ਦੇ ਇਲਾਕੇ 'ਚ ਵੀ ਵਾਪਰੀ।
ਪਰ ਇਸ ਮਾਮਲੇ 'ਚ ਵਿਅਕਤੀ ਠੱਗੀ ਤੋਂ ਬਚ ਨਾ ਸਕਿਆ।
ਉਸ ਨੇ ਹਜ਼ਾਰਾਂ ਡਾਲਰ ਗਵਾ ਦਿੱਤੇ।
