20.77C Vancouver 20.77C VancouverJan 12, 2022 10:44 PM - Connect News
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਬੀਤੇ ਵੀਕਐਂਡ ਦੌਰਾਨ ਇੱਕ ਸ਼ੱਕੀ ਵੱਲੋਂ 2 ਔਰਤਾਂ ਦਾ ਪਿੱਛਾ ਕੀਤਾ ਗਿਆ।
ਜਾਣਕਾਰੀ ਦਿੱਤੀ ਗਈ ਕਿ 2 ਔਰਤਾਂ ਗ੍ਰੇਵਲੀ ਸਟ੍ਰੀਟ ਕੋਲ ਕਮਰਸ਼ਲ ਡਰਾਈਵ 'ਤੇ ਇੱਕ ਬੱਸ ਸਟੌਪ 'ਤੇ ਖੜੀਆਂ ਸਨ।
ਇਸੇ ਦੌਰਾਨ ਇੱਕ ਕਾਲੇ ਰੰਗ ਦੇ ਟਰੱਕ ਨੂੰ ਔਰਤਾਂ ਦੇ ਨੇੜੇ ਰੋਕ ਲਿਆ ਗਿਆ ਅਤੇ ਅੰਦਰ ਬੈਠੇ 2 ਲੋਕਾਂ ਨੇ ਔਰਤਾਂ ਬਾਰੇ ਕੁਝ ਟਿੱਪਣੀਆਂ ਕੀਤੀਆਂ।
ਇਸ ਟਰੱਕ ਨੇ ਔਰਤਾਂ ਦੇ ਕੋਲੋਂ ਕਈ ਵਾਰ ਗੇੜੇ ਕੱਢੇ।
ਇਸ ਤੋਂ ਬਾਅਦ ਇੱਕ ਆਦਮੀ ਟਰੱਕ ਦੇ ਵਿੱਚੋਂ ਉੱਤਰ ਆਇਆ ਅਤੇ ਦੋਵਾਂ ਔਰਤਾਂ ਦਾ ਪਿੱਛਾ ਕਰਨ ਲੱਗਿਆ।
ਹਾਲਾਂਕਿ ਦੋਵੇਂ ਔਰਤਾਂ ਇੱਕ ਸੁਰੱਖਿਅਤ ਜਗ੍ਹਾ ਤਕ ਪਹੁੰਚਣ 'ਚ ਕਾਮਯਾਬ ਰਹੀਆਂ ਅਤੇ ਉਨ੍ਹਾਂ ਨੇ ਪੁਲਿਸ ਸੱਦ ਲਈ।
ਅਫਸਰਾਂ ਨੇ ਕਿਹਾ ਕਿ ਸ਼ੱਕੀ ਮੌਕੇ ਤੋਂ ਨਿਕਲ ਗਏ ਸਨ ਅਤੇ ਫਿਲਹਾਲ ਦੋਵਾਂ ਦਾ ਪਤਾ ਨਹੀਂ ਲਗਾਇਆ ਜਾ ਸਕਿਆ ਹੈ।
ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
