14.41C Vancouver 14.41C VancouverAug 11, 2022 10:36 PM - Connect News
ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਇੱਕ ਔਰਤ ਦੇ ਗੋਲੀ ਲੱਗਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਅਨੁਸਾਰ ਔਰਤ ਵੀਰਵਾਰ ਸਵੇਰ ਦੇ ਸਮੇਂ ਮੇਨ ਸਟ੍ਰੀਟ ਅਤੇ ਈਸਟ ਕੌਰਡੋਵਾ ਦੇ ਇਲਾਕੇ 'ਚ ਜਖਮੀ ਹਾਲਤ 'ਚ ਮਿਲੀ ਸੀ ਅਤੇ ਫਿਰ ਪਤਾ ਲੱਗਿਆ ਕਿ ਉਸ ਨੂੰ ਗੋਲੀ ਲੱਗੀ ਹੈ।
ਔਰਤ ਦੀ ਉਮਰ 39 ਸਾਲ ਦੱਸੀ ਗਈ ਹੈ।
ਮਾਮਲਾ ਅੱਜ ਤੜਕੇ ਕਰੀਬ 1 ਵਜੇ ਦਾ ਦੱਸਿਆ ਗਿਆ।
ਔਰਤ ਨੇ ਇਲਾਕੇ ਵਿੱਚੋਂ ਲੰਘਦੇ ਇੱਕ ਵਿਅਕਤੀ ਤਕ ਪਹੁੰਚ ਕਰ ਮਦਦ ਮੰਗੀ ਸੀ।
ਜਦ ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਔਰਤ ਦੀ ਹਾਲਤ ਗੰਭੀਰ ਬਣੀ ਹੋਈ ਸੀ।
ਔਰਤ ਨੂੰ ਮੌਕੇ 'ਤੇ ਫਰਸਟ ਏਡ ਪ੍ਰਦਾਨ ਕਰ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਔਰਤ ਦੀ ਹਾਲਤ ਗੰਭੀਰ ਹੋਣ ਕਾਰਨ ਫਿਲਹਾਲ ਘਟਨਾ ਸੰਬੰਧੀ ਬਹੁਤੀ ਜਾਣਕਾਰੀ ਇਕੱਤਰ ਨਹੀਂ ਕੀਤੀ ਜਾ ਸਕੀ ਹੈ।
ਇਹ ਐਤਵਾਰ ਤੋਂ ਵੈਨਕੂਵਰ 'ਚ ਵਾਪਰੀ ਗੋਲੀ ਚੱਲਣ ਦੀ ਤੀਜੀ ਵਾਰਦਾਤ ਹੈ।
ਹਾਲਾਂਕਿ ਤਿੰਨਾਂ ਘਟਨਾਵਾਂ 'ਚ ਪੀੜਤ ਲੋਕਾਂ ਦੀ ਜਾਨ ਬਚ ਗਈ ਹੈ।
ਫਿਲਹਾਲ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ ਅਤੇ ਪੁਲਿਸ ਜਾਂਚ ਕਰ ਰਹੀ ਹੈ ਕਿ ਤਿੰਨੇ ਘਟਨਾਵਾਂ ਦਾ ਆਪਸ ਵਿੱਚ ਕੋਈ ਸੰਬੰਧ ਤਾਂ ਨਹੀਂ ਹੈ।
