12.34C Vancouver 12.34C VancouverJul 27, 2022 6:34 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਇੱਕ ਔਰਤ ਨੂੰ ਅੱਗ ਲਗਾ ਦਿੱਤੀ ਗਈ।
ਮਾਮਲਾ ਸੋਮਵਾਰ ਦੁਪਹਿਰ ਦਾ ਦੱਸਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਔਰਤ ਡਾਊਨਟਾਊਨ ਈਸਟਸਾਈਡ ਦੇ ਇਲਾਕੇ 'ਚ ਇੱਕ ਸਾਈਡਵਾਕ 'ਤੇ ਬੈਠੀ ਸੀ, ਜਦ ਉਸ ਨੂੰ ਅੱਗ ਲਗਾ ਦਿੱਤੀ ਗਈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਇਸ ਖੌਫਨਾਕ ਹਮਲੇ 'ਚ ਕਮਿਊਨਿਟੀ ਦੇ ਇੱਕ ਵਲਨਰੇਬਲ ਮੈਂਬਰ ਨੂੰ ਨਿਸ਼ਾਨਾ ਬਣਾਇਆ ਗਿਆ ਅਤੇ ਉਹ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲਿਆਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕਰ ਰਹੇ ਹਨ।
ਪੀੜਤ ਔਰਤ ਦੀ ਉਮਰ 50 ਤੋਂ 60 ਸਾਲ ਦਰਮਿਆਨ ਦੱਸੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਪੀੜਤ ਔਰਤ ਪੌਵੈਲ ਸਟ੍ਰੀਟ ਦੇ ਇਲਾਕੇ 'ਚ ਦੁਪਹਿਰ ਕਰੀਬ 1.30 ਵਜੇ ਸਾਈਡਵਾਕ 'ਤੇ ਬੈਠੀ ਸੀ ਜਦ ਇੱਕ ਅਣਜਾਣ ਵਿਅਕਤੀ ਨੇ ਉਸ ਤਕ ਪਹੁੰਚ ਕੀਤੀ ਅਤੇ ਉਸ ਦੇ ਸਿਰ 'ਤੇ ਕੁਝ ਪਦਾਰਥ ਡੋਲ ਦਿੱਤਾ ਅਤੇ ਅੱਗ ਲਗਾ ਦਿੱਤੀ।
ਔਰਤ ਨੇ ਭੱਜ ਕੇ ਨੇੜੇ ਦੇ ਇੱਕ ਵਪਾਰ ਤਕ ਪਹੁੰਚ ਕੀਤੀ ਅਤੇ ਮਦਦ ਹਾਸਿਲ ਕੀਤੀ।
ਉਸ ਨੂੰ ਗੰਭੀਰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਸ਼ੱਕੀ ਵਿਅਕਤੀ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
ਉਸੇ ਦਿਨ ਰਾਤ ਦੇ ਸਮੇਂ ਇੱਕ ਆਦਮੀ ਨੇ ਪੁਲਿਸ ਨਾਲ ਸੰਪਰਕ ਕੀਤਾ ਅਤੇ ਦੱਸਿਆ ਕਿ ਉਸ ਦੇ ਸਾਮਾਨ ਨੂੰ ਅੱਗ ਲਗਾ ਦਿੱਤੀ ਗਈ ਹੈ।
ਇਹ ਘਟਨਾ ਵੈਸਟ 5 ਐਵੀਨਿਊ ਅਤੇ ਕੋਲੰਬੀਆ ਸਟ੍ਰੀਟ ਕੋਲ ਵਾਪਰੀ।
ਜਾਂਚ ਅਧਿਕਾਰੀ ਫਿਲਹਾਲ ਨਹੀਂ ਮੰਨ ਰਹੇ ਕਿ ਦੋਵੇਂ ਘਟਨਾਵਾਂ ਸੰਬੰਧਤ ਹਨ ਪਰ ਲੋਕਾਂ ਨੂੰ ਮੰਗ ਕੀਤੀ ਗਈ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
