ਬੇਘਰ ਆਦਮੀ 'ਤੇ ਬਿਨਾ ਕਿਸੇ ਵਜ੍ਹਾ ਹੋਏ ਹਮਲੇ ਦੀ ਪੁਲਿਸ ਕਰ ਰਹੀ ਜਾਂਚ; ਘਟਨਾ ਦਾ ਵੀਡੀਓ ਵੀ ਕੀਤਾ ਜਾਰੀ

ਵੈਨਕੂਵਰ ਪੁਲਿਸ ਨੇ ਇੱਕ ਵੀਡੀਓ ਜਾਰੀ ਕੀਤਾ ਹੈ ਅਤੇ ਲੋਕਾਂ ਤੋਂ ਇੱਕ ਵਿਅਕਤੀ ਦੀ ਪਛਾਣ 'ਚ ਮਦਦ ਦੀ ਅਪੀਲ ਕੀਤੀ ਹੈ।

ਮਾਮਲਾ ਇੱਕ ਬੇਘਰ ਵਿਅਕਤੀ 'ਤੇ ਹੋਏ ਹਮਲੇ ਨਾਲ ਸੰਬੰਧਤ ਹੈ।

ਘਟਨਾ ਦਾ ਵੀਡੀਓ ਬੇਹੱਦ ਪ੍ਰੇਸ਼ਾਨ ਕਰਨ ਵਾਲਾ ਹੈ ਅਤੇ ਇਸ 'ਚ 3 ਲੋਕਾਂ ਨੂੰ ਇਕੱਠਿਆਂ ਖੜੇ ਅਤੇ ਕੁਝ ਗੱਲਬਾਤ ਕਰਦੇ ਵੇਖਿਆ ਜਾ ਸਕਦਾ ਹੈ।

ਇਸੇ ਵਿਚਾਲੇ ਇੱਕ ਬੇਘਰ ਆਦਮੀ ਇਨ੍ਹਾਂ ਕੋਲੋਂ ਲੰਘਦਾ ਹੈ।

ਇਸੇ ਦੌਰਾਨ ਤਿੰਨਾਂ ਲੋਕਾਂ ਵਿੱਚੋਂ ਇੱਕ ਆਦਮੀ ਇਸ ਵਿਅਕਤੀ ਨੂੰ ਸਿਰ 'ਤੇ ਥੱਪੜ ਮਾਰਦਾ ਹੈ।

ਪੀੜਤ ਕਿਸੇ ਤਰ੍ਹਾਂ ਖੁਦ ਨੂੰ ਸੰਭਾਲ ਕੇ ਤੇਜ਼ੀ ਨਾਲ ਮੌਕੇ ਤੋਂ ਨਿਕਲਦਾ ਹੈ।

ਪਰ ਇੰਨੇ 'ਚ ਹਮਲਾਵਰ ਵੀ ਉਸ ਦੇ ਪਿੱਛੇ ਦੌੜ ਪੈਂਦਾ ਹੈ ਅਤੇ ਫਿਰ ਉਸ ਨੂੰ ਪਿੱਛੇ ਤੋਂ ਧੱਕਾ ਮਾਰ ਕੇ ਸੁੱਟ ਦਿੰਦਾ ਹੈ।

ਇਸ ਤੋਂ ਬਾਅਦ ਹਮਲਾਵਰ ਪੀੜਤ 'ਤੇ ਲੱਤ-ਮੁੱਕਿਆਂ ਦਾ ਮੀਂਹ ਵਰਸਾ ਦਿੰਦਾ ਹੈ।

ਇੱਕ ਹੋਰ ਵਿਅਕਤੀ ਆ ਕੇ ਹਮਲਾਵਰ ਨੂੰ ਰੋਕਦਾ ਹੈ ਅਤੇ ਉਥੋਂ ਲੈ ਜਾਂਦਾ ਹੈ।

ਇਹ ਘਟਨਾ 26 ਜੁਲਾਈ ਨੂੰ ਤੜਕੇ ਕਰੀਬ 1 ਵਜੇ ਯੇਲਟਾਊਨ ਇਲਾਕੇ 'ਚ ਹੈਮਿਲਟਨ ਸਟ੍ਰੀਟ 'ਤੇ ਵਾਪਰੀ ਦੱਸੀ ਗਈ ਹੈ।

ਹਮਲਾਵਰ ਦੀ ਉਮਰ 20 ਤੋਂ 30 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।

ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।

ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:

WARNING: Graphic content (video may be difficult to watch – click to view)

https://www.dropbox.com/s/51quy1cdspi416k/Yaletown%20Stranger%20Assault.mp4?dl=0